كلمات اغنية عيني وعينه محمد بن غرمان 2021

قالوا الناس عاشق ما يذوق المنام

يصبح الصبح عينه ما تذوقه أبد

ما دروا بالمحبة والهوى والغرام

هي دواء الإكتئاب اللي مسبب نكد

والغلا والمودة والحلا والهيام

وأجمل أيام عمري والهناء والسعد

فدوة اللي يا من طل زاح الظلام

وإن تبوسم تقاطر من لسانه شهد

والبَرد بالثنايا والجمر ما يلام

كان من زود حره ذاب سبة برد

عيني اللي لعينه يوم قالت سلام

رد في رمش عينٍ في طرفها سهد

نظرةٍ منه تكفي عن كثير الكلام

بسمته ألف ميلٍ تقربه لو بعد

قلبي المغرم الولهان صفق وحام

لا تلومون من هو لا وقف ما قعد

بانيٍ في خفوقي للحبيّب خيام

المعاليق هلّت مع بروق ورعد

سال سيل المشاعر صوبها بانتظام

كل عرقٍ نبضي قام له واستعد

ترتعد في حضوره كل لحظة مقام

وان تباطى حضوري فدوته لا نشد

شرهة المبسم اللي حدر ذاك اللثام

من يلوم المعذب لا سمعها فقد

يا حبيبٍ غرامه قمة الإحترام

لا تقولون بعد القول ذا وش بعد