كلمات اغنية سر إلهي تتر بداية مسلسل سر إلهي

سر إلهي

ياللي مستغرب قساوتي

خش شوف بعينيك حكايتي

شوف حكايتي من مرايتي

وقولي مين بدأ العداوة

سابو قلبي على البلاطة

سابو روحي على الحديدة

شالو من جرحي الخياطة

وزودولي جراح جديدة

أه يا قلبي ياللي شايل

ياللي وروك الهوايل

دايماً الطعنة اللي تيجي

من أعز الناس شديدة

خلاص بقيت على نور

وقلبي زيكم مات

بكرا السنين هتدور

والعبرة بالنهايات

دهب الذهب بالعقول

فرَق ما بين الاخوات

يا رب إيه حكمتك

وليه أنا بالذات

وليه أنا بالذات

لسه مستغربني تاني

حط كده نفسك مكاني

خدت صدمة مزلزلاني

زعلي على قد الغلاوة

المواقف بينت لي

مين عليا ومين معايا

كل مشهد مستخبي

شفته من كل الزوايا

آه يا ناس باعت ضميرها

آه يا دنيا اتقل خيرها

الفلوس طلعت حقيقي

للنفوس أوضح مرايه

طلع اخويا وابن عمي

والغريب عليا

حتى اللي من دمي يا ناس

يتمنى لي الاذيه

اختبار فوق احتمالي

يا رب شديد عليا

محتار والسر الالهي

مش شايفاه عينيا

مش شايفاه عينيا