كلمات اغنية بنت العاصمة أحلام 2022

منتي عاديـة مثِل بـاقي البـشـر

إنتي من قلبي إنخلقتـي للوجود

وْبعْد أحبك..حطِّي نقطة ع السطر

ما به إحساسٍ يعَدّي هالحدود

في عيونك تـقبل أيامي وْ تِـمُر

يـبدا ميلادي وْ بعيـادك يعـود

تضحكين ألقا لي في وَجهِك عُمُر

كنِّك الدنيا اللي بالفرحة تجود

إنتي للحب عاصمة وْ دار وْ مُقَر

رُوح وْتِملا العاصمة ضَيّ وْ ورود

وْ روضة أيامي اللي شوفتها المطر

والنسيم اللي على عمري يـنـود

وْيللي حِـسِّك وَصْفة لعْلاج الكدر

إنتي أصلِك جود وْما يـرقاه جود

وْطلِّتِك من صبْحها و زود السِفَر

تـفتـن الشمس وْبها تِحلا وتزود

روضة يللي بْعين أبوها والنظر

حُبَّها يْفوق العدد مهما يجود

كثْر حُب محمد لْشعْبه وْكِثِـر

بوظبي اللي ماعليها بقلبه زود

تكبرين بْـقلبي..مو بس بالعمر

كِلِّ عام وْإنتي بعيوني الوجـود

تحرِسِك عين اللي أقسم بالفجر

وْمَيَّزِك حسْن وْ غلا ما له حدود

"كِلِّ عام وْإنتي للميلاد عيد

وإنتي عامي هذا والعام الجديد"