كلمات اغنية الراح شليل أحمد أمين 2024

والله ندمان يا وطن

‎عشان بنيت في الغربه بيت

‎اسف كمان وحقك علي

‎ماضعت فيك جد لو سعيت

‎قضيت طفولتي انا ود فريق

‎تحرمني ليه انا يا قدر

‎اللمه والناس الحنان

‎والضحكه والليل والسهر

‎وكتين نكوس الراح شليل

‎والدنيا ضاويها القمر

‎والليله عايش غربتي

‎لا بسمه لا فرحه وسمر

‎اسألني كيف بعدك بكون

‎اساالني بس شوف الجواب

‎اصبحت فاقد كل شي

‎وهربت في سكه سراب

‎فاقد مقالده للاهل

‎وشوقا بيفتح اي باب

‎وما بتلقي غير ادخل وخش

‎والفين حبابك ومرحباب

‎اسف شديد انا يا وطن

‎اسف شديد حقك علي

‎انا عندي نيلين من فرح

‎في الدنيا زيها مافي زي

‎انسانها ما بشبه بشر

‎مليان محبه ونور وضئ

‎ولو قلت يا ابو مرؤه ساي

‎الاف يجوني يحسو بي

‎طنبورنا بنقر في الشمال

‎وجنوبنا ينداح ينطرب

‎ادروب يقالدك في الشرق

‎نقاره في اخر الغرب

‎مردوم يجرو النم علي

‎بي طيبه قهوتو تنشرب

‎والطلقه عنوان للفرح

‎مش طلقه عنوان الحرب