كلمات اغنية نضارة أحمد سانتا 2022

ضرب طناش، ٢٠٠ في طالعة الجراچ والرادار ما لقطناش (حلو الكلام)

متجربهاش، أنا بفتي ولو لبست فأنت يا أسطى ما تعرفناش

شايف من خرم الإبرة، أنا نضارة في الودان

مش مسقط، مش ملخص، مش مبسط الكلام

أنا في كفة، أنت في تفة، مين ملخبط الميزان؟

داقق كله، ده Tattoo عشان بفتح في المسام

مين قدام ؟ صَفر زي التيل، أسمر زي النيل

لو وسط مية أتفرز زي ما أكون الهيستامين

سكة تشيل، شوفنا كتير، ميشغلناش غير التقدير

ده فص ملح وداب، العيش فرفته على السرير

أخويا دادي Call me عمو وشوف الآتي

القرد والقرداتي نفس علاقتك بالعجلاتي

ماشية عادي إشارتي عكس بس منور كشفاتي

أنا في فاكس باعت تاكس أبدل جدو بـ Ansu Fati

ماشي ومش معايا باقي الورق

كان زمان بيننا شعره، قصر قصف لما إتفرد

أنا أصلاً المبتدأ، خبر كامل في الجرنال

اللي قال إن إحنا في سبق قارن الأسد بالفار

راجع الڤار أشوف الهدف فين وأتشيكه

مش هباصي لميسي لما أعدي إتشيفتشينكو

ثانية إلا فيمتو، على الأرض نزلته

زي أيام الكوربة الشارع اللي ورا سيلانترو

متقوليش الجيرة ومتقوليش نتزامل هش

وأنت عامل فيها سلندر كل يوم بتركب وش

منتقارنش يوم ببعض، زي الكفتة أنت إتصبعت

طول عمري بكون مضطر وأنت عامل فيها الصعب

بجيب الـ Punch في بطن الحوت، هقيم الحد لحد تموت

معتقدش يوم الأحمس قالها حتى لحتشبسوت

خمسة سكوت لما يقولك إحنا نجوم الهلفوت

تعرف إن كتر خير الدنيا وخلصانة الردود

شايف من خرم الإبرة، أنا نضارة في الودان

مش مسقط، مش ملخص، مش مبسط الكلام

أنا في كفة، أنت في تفة، مين ملخبط الميزان؟

داقق كله، ده Tattoo عشان بفتح في المسام

شايف من خرم الإبرة، أنا نضارة في الودان

مش مسقط، مش ملخص، مش مبسط الكلام

أنا في كفة، أنت في تفة، مين ملخبط الميزان؟

داقق كله، ده Tattoo عشان بفتح في المسام

ماشي، يو يو، والتفسير أملنا بمعنى

المشترك بيننا هو إن أنا مثلنا الأعلى

الماضي يا أسطى بتاعنا والمستقبل أهو في المعمل

كل Era Golden Era تقولش مهكرين المعدن

كاسر الإطار، دايماً خارج عن النص

هو واحد بس مصر، شوف النُسخ من الأصل

Lyrical حامي ورقة قص عشان الـ lyrics مع الرص

Triple meaning البار اللي فات فركز ما تلصقش

Shut the Fuck up شد الغطا عشان أولع في اللي إتشطب

والنيران كانت صديقة والإكساية كانت الحطب

الهبل بديل الغلط، في العقل بيجيلي الضرر

نفسي أفصل ثانية واحدة قبل ما يجيلي القدر

ومش هحس بالإندهاش

في ثانية موتور توربيني أحمد رزق لو قشاش

أنا النرد والغشاش

فهتضطر تمنع كلام لما تشوفني Dubsmash

في كل Tik وكل Tok بعده Punch يختم Knock

مترولش على مبروم وبيلعب في band rock

لو ليك حد رد، هلاهيل بتلوك

Gunna mix Dababy على شيك شاك شوك

والتيم ده سولو كل فرد تقيل وسومو

لسه مجاش الفيلم كلنا الجو من البرومو

كنت خايف من الشايب مش شايف الحُكم Like Uno

بعد الخير ده الجزاء الدنيا عامله فيها برونو

أكتر من شهر بايت برة من غير أي كاشات بتصرف

على الصبح بارين بتمرن ولا أي نظام بتمرد

قديمنا دهب واللي جاي بتاعكوا مترب

جاي أتصرف ولما أتلصق تطلع برضه حاجة تشرف

Shut the Fuck up شد الغطا عشان أولع في اللي إتشطب

والنيران كانت صديقة والإكساية كانت الحطب

الهبل بديل الغلط، في العقل بيجيلي الضرر

نفسي أفصل ثانية واحدة قبل ما يجيلي القدر

شايف من خرم الإبرة، أنا نضارة في الودان

مش مسقط، مش ملخص، مش مبسط الكلام

أنا في كفة، أنت في تفة، مين ملخبط الميزان؟

داقق كله، ده Tattoo عشان بفتح في المسام

شايف من خرم الإبرة، أنا نضارة في الودان

مش مسقط، مش ملخص، مش مبسط الكلام

أنا في كفة، أنت في تفة، مين ملخبط الميزان؟

داقق كله، ده Tattoo عشان بفتح في المسام