كلمات اغنية يانبض قلبي أحمد علوي 2023

يا نبض قلبي .. يوم اناديك ساره :

تركض لك انفاسي غلا .. حُب و إجلال !

يا غنوةٍ مرّت بـ سمعي ... بشاره :

و شاركت معها .. يوم مرتني امال !

كنتي و لا زالتي ..... تمرين ساره :

و من خلفك الافراح تترى و تختال !

فزت بـ غلاك و مالحقني خساره :

اصلاً بعدك الحظ .. ما يوم قد مال !

و يا موطنٍ من يوم ... مـا فكّ داره :

استوطن شعوري و اخذ عهد رجال !

حسين قبلك .. ماهو حسين ساره :

حسين هذا اكثر فرح و اجمل خْصال !

يا مجملتني بـ عين الايــام .... تاره :

و تاره بـ عيني ( كل ما اقطع لك اميال ) !

كل يوم اعيشه معك طااال انتظاره :

استاهلك يا مبدله الغيبه وصال !