كلمات اغنية فيس بوكي أحمد مكي 2011

أنا مليش أكونت على الفيس بوك إسمع من مكي

خلوا بالكم من اللي بيعمل فيس بوك إنه فيس بوكي

حاول تحلقلوا تنفضلوا وفكك منه أو فكي

مهما قال لك وحلف لك وبعت لك سكة أو سوكي

أنا مليش أكونت على الفيس بوك إسمع من مكي

خلوا بالكم من اللي بيعمل فيس بوك إنه فيس بوكي

حاول تحلقلوا تنفضلوا وفكك منه أو فكي

مهما قال لك وحلف لك وبعت لك سكة أو سوكي

نازل من البيت بالليل أجيب فول بيض زبادي وفينو

العشا الرسمي في مصر طبعا كلنا عرفينه

قابلت واد فائد من الحتة وفقري وإسمه نينو

مع مايا ودخان وبيهزي يخرب بيت سنينه

قال لي ينفع يا مكي على الفيس بوك أعمل لك أد

أنا وأحمد معتز وطارق وبك بك وعماد

وإنت تنفض لنا التنفيضة السودة دي خد ياض

إعمل لينا أد، إعمل لينا أد

مش مهم معتز وطارق المهم أنا وعماد

قلت له يا إبني إنت بتهزي ولا بتتكلم جد

أنا من زمان بيني وبين الفيس بوك مئة سد وسد

أخري كان الهاي فايف يمكن والأيسيكيو

هتقول لي عندك فيس بوك هقول لك دامن يو

خذني من إيدي البيت ويوريني أصل الموضوع

قام فاتح الفيس بوك فلقيت ثلاثين أكونت مصنوع

حطين صورتي وكتبين إسمي وعاملين نفسهم أنا

وكل واحد فيهم بيكلم ألاف في السنة

حموت وأعرف بيقولوا إيه للناس على لساني

(دي حاجة تخوف ترعب حط نفسك (مكاني

لسة مفوفتش من الصدمة قام نينو وراني حاجة ثاني

فاتح لي على الفيس بوك فان بيج مئة ألف فانز

كاتبين كلام جميل خلى قلبي مرفرف فرحان

شكرا الكل من كتب إن كان ليدي أو مان

ملحقتش أفرح راحت الفرحة بقيت قاعد غضبان

أصلي لحضت اللي عامل الصفحة عيل كتيان

متقمصني وبيتكم زي دبور فى فيلم مرجان

كبر جيهك روق ديهك إخبط دي يا مان

سلاطتك بابا غنوجك وإضرب لك خابور كمان

ركزت وقريت كل اللى كتبه الواد ده لقيته هباب

دخلت في لحظة كتبت لكل الصفحة ده واد نصاب

مسح اللي كتبتة بسرعة ورد وقال هو الكذاب

فجأة الكل أفش كشر ناقص يرموني بقبقاب

وبعث لي شتيمة وعمل لي بلوك وطردني طرد الكلاب

يقطع النت على النتيت على اللي عينتيتوا عليه

دورت أكثر ولقيت صفحات على النت بإسمي كثيره

كل لما أفتح صفحة ألاقيها مليانة فتاوي كبيرة

أخبار حصري على لساني أصله إداني التأشيرة

وعلاقتي بالناس دي زي علاقة الدولارات بالليرة

معرفش عنهم حاجة ولا حتى بتجمعنا الجيرة

ربنا يشفيهم دول ناس عيانة مش ناس شريرة

كل ساعة بتصريح متفبرك ليّ وكله حماسة

إيشي فن وإيشي أخبار شخصية وفتي في دين وسياسة

الأغرب إنى بلاقي ناس عقلة كبيرة وبتصدق

وبتاخذ كل أخبارى المكتوبة منهم وبتفرق

والفتية بتفضل تكبر تنتشر تتخن تترستق

تتذوق تتروق تترقى الإشاعة وتتصدق

ثاني يوم بلاقيها تتاكد أخبار فنية اتشل

فوقفت مع نفسي وقفة طويلة ولقيت الحل

قررت أعلن في أغنية إني مليش أكونت أو سايت

لو قابلك أي مكي على النت قول له جود نايت

أنا ماليش أكونت على الفيس بوك إسمع من مكي

خلوا بالكم من اللي بيعمل فيس بوكه إنه فيس بوكي

حاول تحلق له تنفض له فكك منه أو فكي

مهما قال لك وحلف لك وبعت لك سكة أو سوكي

أنا ماليش أكونت على الفيس بوك إسمع من مكي

خلوا بالكم من اللي بيعمل فيس بوكه إنه فيس بوكي

حاول تحلق له تنفض له فكك منه أو فكي

مهما قال لك وحلف لك وبعت لك سكة أو سوكي

الويب سايت الوحيد اللي فعلا بتاعي

Www.mekky4real.com

أي حاجة ثانية ع النت حمادة بالجنزبيل

مكي؟

بويستي بوي؟ إيه اللي جابك

هو إنت فعلا هتعمل فيلم إسمه ثعبان البحر

اللي هو بالإنجليزى سيس؟

إيه ده إنت جبت الكلام ده منين؟

فيس بوك؟

الله يخرب بيتك على بيت الفيس بوك

طيب يا عم ما تزعلش ممكن أغني الكورس؟

إتنيل

جو شاري، الشبكشي

جو شاري، برده الشبكشي

شبكشي؟

Fifty Cent وبعدين الكورس ده مش بتاعى دا بتاع

آه صحيح تصدق معاك حق؟

طب خد دي

أنا ماليش أكونت على الفيس بوك إسمع من مكي

خلوا بالكم من اللي بيعمل فيس بوكه إنه فيس بوكي

حاول تحلق له تنفض له فكك منه أو فكي

مهما قال لك وحلف لك وبعت لك سكة أو سوكي

أنا ماليش أكونت على الفيس بوك إسمع من مكي

خلوا بالكم من اللي بيعمل فيس بوكه إنه فيس بوكي

حاول تحلق له تنفض له فكك منه أو فكي

مهما قال لك وحلف لك وبعت لك سكة أو سوكي