كلمات اغنية درة الشرق أسعد البطحري 2022

درة الشرق ومغن الامنيات

جنة الدنيا مسرات ورغد

العبي والغيم من فوقك عباة

خامها هتّان ومطرّز برد

ماعليك خلاف والقول الثبات

وجهك النيّر يبشر بالسعد

وان تناوشك العدو بمسيرات

تقلع من الظفره طيور الهدد

بامر ابو خالد وثاره ما يبات

طبع جدانه ليا حان الوعد

دك معقلهم وفرقهم شتات

بـ إف ستعشر مبيدت الجهد

كله لعيناك وذيول الطغاة

تنجحر في كهف ولا في لحد

سرمدي المجد من كل الجهات

جعل عين ٍ ما تحبه للرمد

رافعٍ قدره على كبار الذوات

رافع السبع الطباق بلا عمد

واحدٍ ماله على الدنيا شرات

في بلد فالارض ما مثله بلد

سيد الاسياد شيخ المعضلات

شامخ التاريخ من بدء لـ أبد

المدايح فيه ما راحت وجات

ثابته ومثبته .. ساس و وتد

اكتبوا ولا اشطبوا متساويات

صيت ابو خالد على الدنيا خلد

اشهد ان زايد على قيد الحياة

في محمد عايش ٍ روح وجسد

اتعب بفعله بطون المعجزات

كل صبح يبشر العز .. بولد

حي عين اللي لطمها من رهاة

وساقها للمجد ماعنده ف احد