كلمات اغنية رثاء للسلطان قابوس طيب الله ثراه أسعد البطحري 2020

تباكت عمان وسيلت دمعها المنثور

لاعز الرجال بكوكب الارض وانقاها

ولو راح ما كنّه بوسط الثرا مقبور

لقابوس روحٍ بالمحاني حملناها

برغم المرض لعيون هالدار قبل شهور

وقف للصفوف العسكريه وحياها

ووادع بيومٍ ما حجب نوره الديجور

وعيون الرجال بدمعها بلت لحاها

بفجرٍ حزينٍ فيه ماغرد العصفور

صلاة الجنازه صافي الدمع صلاها

بكاه العلم لي محتضن نعشه ومقهور

وكتفٍ حمل نعش الجنازه لمثواها

واشوف المودع دمعه امن الكفوف يثور

يحسه يشوفه يوم لوّح وعلاها

فقدنا ضيا وجهٍ نشر بالبلاد النور

عسى بسمته في جنة الخلد نلقاها