كلمات اغنية بخيل الوصل أميمة طالب 2024

بخيل الوصل لكنّه كريمٍ في البها والحسْنْ

كفاه الله من شافه ولا كبّر ولا سمّا

مسيّرني محيّرني ومدري هو فرَح أو حزْنْ

سرابي أو شرابي هو؟ بيروي او أظل اظما؟

معنّيني ومشقيني وهي لي سنّةٍ قد سَنْ

أقضّي وقتي بين امّا ويا أمّا ويا أمّا

مقيَّد بين لو وليت وإيه ولا ولمّ ولَنْ

ولاني جازمٍ بافعال ولا متيقّنٍ بَاْسما

بخيل الوصل لكنّه كريمٍ في البها والحسْنْ

كفاه الله من شافه ولا كبّر ولا سمّا

حديثَهْ سِحْر لو يكذِب أصدِّقْه بْسنَدْ أو مَتْنْ

ولاني جاهل اطباعه ولا هو زادني علما

يود ويتبِع بْقَسْوَهْ ويفسِد ما عطى بالمَنْ

ولاني أكبر همومَهْ وانا به بَلْوِتي عُظْمى

أعدّي كذبَه الفاضح تغابي والتغابي فَنْ

ولكن الجنون فْنون وذا حالي معه دَوْما

خدعت خْداعه الواضح بإنكاري وحسن الظَّنْ

أنا من كان طول الوقت ذاك المبصر الأعمى

كرهت الحب وسنينَه وقلبٍ ساذجٍ ما حَنْ

لأيامه قبل شمسٍ عشَقَها وكانت الظلما

وش احكي عن جُمودَهْ عن صُدودَهْ عن جُحُودَهْ عَنْ

دموعٍ أغرقت جوفي وقلبٍ مُنهك ومُدمى

ألا ياشاعر اكتبني والا ياذا المغني غَنْ

مواويلٍ تليق بويل نهايه مقبله حَتْما

على ماقال ابو الطيّب بشطرٍ في المسامع رَنْ

ألا لا لا أُري الأحداثَ لا حمدًا ولا ذَمَّا