كلمات اغنية هتجن يا ريت إيمان البحر درويش 1988

هتجن ياريت يا خوانا مارحتش لندن ولا باريز

دي بلاد تمدين و لطافة وذوق ونضافة وحاجة تغيظ

لاشوفت جدع متعافي و حافي و ماشي يقشر خص

ولا شحط مشرمخ أفندي معاه عود خلفة و نازل مص

و لا لب أسمر و سوداني و حمص و انزل يا تقزيز

ولا واحدة في وش الفجر تبرطع ماليه الدنيا صوات

قال ايه جوز خالتي ام أحمد سلفة أخوها السيد مات

سبحانك مأ عظم شانك و الله الموت ده مفيد و لذيذ

ولاصايع طالع يجري وصايع تاني بيجري وراه

و يقول هاع حصلتك يابن الأبصر ايه عاملاه

لا شارع غيط يا خوانا و لا احنا بدارة و لا احنا معيز

ولا واحد يبييع حاجة يقول بريال و تأخدها بصاغ

يا خوانا دي حتى الابرة تاخدها بدوشة و قلب دماغ

ولا عركة في نصف الليل دايرة بالحيل و ساحبها بوليس

قدامها جدع متجرجر و شه معور قال ده عريس

الخلق ما هي بتتجوزو اشمعنا احنا مافيش تمييز

هتجن ياريت يا خوانا مارحتش لندن و الا باريز

ده بلاد تمدين و لطافة وذوق ونضافة وحاجة تغيظ