كلمات اغنية التغاضي احمد ال شملان 2024

(التغاضي)

قَدّ ماتحاول تهدّي الوضع، والاما تهدّي

اكثر الهِدّاي مثل النار في كوم النِّشاره

وآحَلا شيّ التّغاضي، لين ما الضيقه تعدّي

المِرا عند الزّعل ماهوب من فنّ الشطاره

والحقيقه في البدايه،عند من كان المبدّي

تحت بند البادي اظلم؛ يعلن البادي إعتذاره

وان تعذّر بالكلام البلسماني والمقدّي

إقْطعت بيضا يمينه بالفعل سودا يساره

وتندمح عثرة هل الهيبه على الكف المندّي

والكبار إصغار، لإن الحُرّ تكفيه الاشاره

وان تنكّر باللّباس الكبريائي والتحدّي

ما ورى ضِيّاعة الوقت الثمين الا الخساره

العزيز اللي يذبّ النفس من فخّ الترَدّي

والطَّنَش في حقّ الانسان الرِّدي اكبر نَعاره

وإن تمادا ووصَلَت للحلْق، والموضوع جِدِّي

فالصغار إكبار، خلْ عنّي وعنك الاستخاره

راعي الهدلا