كلمات اغنية أوضة ضلمة احمد خالد 2021

في اوضة ضلمة واربع حيطان

ودموع في عيني ومش بنام

في قلبي خوف وفيه بطوف

والسكات بيقول كلام

وانتي راجعه بعد ايه

هواكي راح ماعادشي فيه

كان خيارك تفارقي دارك

واديكي راجعة تبكي عليه

غيبي عني ماترجعيش

اي ذكري ليكي خلاص مفيش

زي قلبي ماهان عليكي

تهوني عادي ماتفرقيش

كان فين رجوعك ايام عذابي

ايام ماحزني كان بيدق بابي

كان طريقي نهايته قربك

وكان طريقك انتي لغيابي

البعد غير ياما فيكي

هي الملامح لاكني مش لاقيكي

لا قلبي شايفك ولا حتي عارفك

وشوفي حضن غيري يداويكي

ومتخافيش لا تشيلي همي

لاتلومي روحك في البعد عني

يعني قربك زي بعدك

وانسي اني منك وانتي مني