كلمات اغنية مستنيها ترجعلي احمد خالد 2022

سايباني في عز ما محتاجها، مكسور دلوقتي بسببها

وبقيت مش عارف أعمل إيه؟ مش عارف أعيش

من أول موقف ظلمتني، ما أدتنيش فرصة وسمعتني

وقالتلي انساني ودلوقتي متعرفنيش

حبيتها بجد ومن قلبي، سايباني بذنب ده مش ذنبي

في البعد أنا بحلف وبربي ما ارتاحتش يوم

ويا ريت بقى حد يفهمها علشان مش عارف أكلمها

والدنيا في بعدي بتحلالها وبتشوف النوم

هفضل مستنيها ترجعلي، مش هيأس إيه اللي هيمنعني

وإننا نتفارق لأ دي فكرة متريحنيش

لو فهمتها تكون ندمانة وتجيلي تقول أنا غلطانة

علشان حكمت بقى وبسرعة ومعاتبتنيش

حبيتها بجد ومن قلبي، سايباني بذنب ده مش ذنبي

في البعد أنا بحلف وبربي ما ارتاحتش يوم

ويا ريت بقى حد يفهمها علشان مش عارف أكلمها

والدنيا في بعدي بتحلالها وبتشوف النوم

موجودة كتير ناس حوالينا، عايشين علشان يفرحوا فينا

متشمتيهمش وأي كلام متصدقيهوش

أنا روحي بقت مربوطة بيكي، بدعيلك ربنا يهديكي

وألاقيكي رجعالي وبعدنا ده متطوليهوش

حبيتها بجد ومن قلبي، سايباني بذنب ده مش ذنبي

في البعد أنا بحلف وبربي ما ارتاحتش يوم

ويا ريت بقى حد يفهمها علشان مش عارف أكلمها

والدنيا في بعدي بتحلالها وبتشوف النوم