كلمات اغنية مين فى دول احمد كامل 2021

بسرح ساعات، وأفتح صور أيام زمان

وبقول يا مين، يصالحني ع الماضي اللي كان

وكثير بقول، قلبي الحقيقي مين في دول

(وإزاي أعيش وأنا مش مدي لنفسي الأمان (الأمان

أنا من زمان، في سر في قلبي ومداريه

أنا مش أنا، ده حد غيري أنا ماشي بيه

زي اللي فاق، لقى نفسه مش جوة السباق

والعمر فات قدام عينيه وما عاش فيه

أخذتني مني الدنيا فجأة وغربتني ما بين وشوش

وعرفت فيها الطيبين والحزن حوّلهم وحوش

وبخش في قلبي كل يوم أمشي ما بين جرح وهموم

كان في هنا إنسان جميل بسأل عليه وما بلقاهوش

أخذتني مني الدنيا فجأة وغربتني ما بين وشوش

وعرفت فيها الطيبين والحزن حوّلهم وحوش

وبخش في قلبي كل يوم أمشي ما بين جرح وهموم

كان في هنا إنسان جميل بسأل عليه وما بلقاهوش

محبوس في روح، وش ثاني بيداريك

ياما قلت آه، ولا عمر حد حَس بيك

الناس تقول، إنك تعيش في الغربة خوف

طب تعمل إيه؟ لو تبقى الغربة عايشة فيك

طول السنين، وأنا إيد في جنة وإيد في نار

وبقول بخير، وبخبي الجد في الهزار

ما بقاش في حيل، وماليش صحاب غيرك يا ليل

والليل طويل، ولا مرة جيه بعده النهار

أخذتني مني الدنيا فجأة وغربتني ما بين وشوش

وعرفت فيها الطيبين والحزن حوّلهم وحوش

وبخش في قلبي كل يوم أمشي ما بين جرح وهموم

كان في هنا إنسان جميل بسأل عليه وما بلقاهوش

أخذتني مني الدنيا فجأة وغربتني ما بين وشوش

وعرفت فيها الطيبين والحزن حوّلهم وحوش

وبخش في قلبي كل يوم أمشي ما بين جرح وهموم

كان في هنا إنسان جميل بسأل عليه وما بلقاهوش