كوبليه ما هي كلمات اغنية ظلموكي البشر اسماعيل تمر ...؟
تاريخ طرح اغنية اسماعيل تمر الجديده ظلموكي البشر
٢٠ يوليو ٢٠٢٣
كلمات اغنية ظلموكي البشر اسماعيل تمر 2023
ظلموكي البشر نزلوا فيكي تدمير
لما شافوا جمالك غاروا منك كتير
عليكي زادوا ظلمون الشام بكيت يابا
دول العالم صارت لعنا تبعت شبابا
الطفل رايح ع مدرسته عم يودع امو
خايف من قذيفة طايشة لا تنزل تلموا
مشتاق ارجع اطلع على حلب بلا هوية
مشتاق شوف زحمة عيد بسوق الحميدية
متمني احذف من ذاكرتي صوت المدفعية
ادعس على الدولار و ارفع الليرة السورية
متمني شوف اخر رصاصة لو كانت بجسمي
متمنى ارجع على حارة فيها كاتب اسمي
متمني ارجع طفل صغير والطابة بإيدي
نادي للشرطي عمو ما ناديله سيدي
تابع توم وجيري مو بان كيمون وكيري
كان بصفي قاعد الادقاني بجنب الديري
تابع اخبار حتى شوف النشرة الجوية
ما شوف رفيقي السوري مات برصاصة سورية
واللَّه مسرحية هالدنيي مسرحية
سكر الستارة عتمت مية بالمية
والله الام السورية للسما نشفوا دموعها
والله لنبكي دم على سوريا الموجوعة
اخبار رام الله وغزة كنا نشوفها على الجزيرة
وهلئ بلشوا بسوريا لينسونا السيرة
بكرا لما تنتصر سوريا وراسها مرفوع
إيدي بأيدك يا سوري رح نعمرها مافي رجوع
مكان الدم يلي انسكب رح نرجع نشعل شموع
وتجمعنا محبة الله بين محمد ويسوع
وجامع جنب كنيسة بباب شرقي رح بضلوا
ويلي بده طائفية من سوريا فلوا
اوكسجين الغربة ضرني، مياته ما روتني
من مية عين الفيجة الشام يا ما سقتني
سوريا يا حنونة اصرخي صمتك قتلني
عم يموتوا ولادك يا امي سكوتك ذبحني
مشان الله شكيلي همك أنا المواطن ابنك
يلي راجع حتى ضمك واقضي حياتي يمك
خبيكي بين ضلوعي بحميكي من رصاصة طايشة
شعبك مستعد يموت كله حتى تبقي عايشة
حركتي العالم كله بس من فخامة اسمك
سلاح الدنيا كله والله ما بشوه رسمك
سوريا بدها ولادها ما بدها الغريب
يلي عم تجاهد عندنا ليش نسيتوا تل ابيب
القدس عم تنادي يا عرب بدي ولادي
ردت سوريا وقالت لا، لا تنادي عالفاضي
حكام العالم جاعت شافت سوريا وليمة
الكرة الارضية من دون سوريا مالها قيمة
صرت بحبك اناني أنا ياويل حالي
فليسقط العالم من بعدك انتي مافي غالي
سوريا شدي حيلك قومي بكرا رح نبنيكي
لملمي دماعتك لاتبكي الله يخليكي
بكرا الربيع جايي ليفتح زهورك
وكل انسان وقف ضدك رح يتمنى يزورك
بالامة العربية في خمسة وعشرين بالمية معنا
والباقي كله ضدنا هي حال مجتمعنا
يا ويلي شو شفت بالغربة ناس بيكرهونا
بأهله فينا لكن من ورانا بيشتمونا
سوريا بدها حنية بدها ثورة على السلاح
بدنا نرجع نتوحد حتى نبني يلي راح
السلاح اخترعوا ليدمروا فيو الارض
ضب سلاحك سوريا بدها ورد
سوريا بدها ثورة على حالي حالك
سوريا بدها ثورة على كل يلي ببالي بالك
سوريا بدها تنتفض على يلي دمروها
مؤيد ومعارض الشوارع قسموها
سوريا إنتي أمنا، لا تغضبي علينا
شوفي شو سووا فينا تربطت ايدينا
كنا ننام بكير على صوت الديك منوعى
صرنا نوعى على تفجير او رقبة مقطوعة
كنا بالباحة ننادي، الشعب السوري واحد
كل المدارس عنا كانو يحطو علم واحد
اي انتمائي سني درزي علوي او مسيحي
أنا انتمائي سوري ما بغير تلاميحي
الطفل مات قال رح اشكيكن ل الله
سوريا عم تنزف فيقوا يا عباد الله
سوريا قالت اعتوقوني يا ويلكم من الله
سوريا قالت اعتوقوني يا ويلكم من الله
(سوريا قالت اعتوقوني يا ويلكم من الله)
(سوريا قالت اعتوقوني يا ويلكم من الله)
اغنية ظلموكي البشر اسماعيل تمر 2023 بالكلمات مكتوبة كاملة من كلمات Ismaeil Tamr والحان Ismaeil Tamr تم طرح اغنية اسماعيل تمر الجديدة على القناة الرسمية على اليوتيوب بتاريخ ٢٠ يوليو ٢٠٢٣ كوبليه كلمات اغنية
- كلمات : Ismaeil Tamr
- الحان : Ismaeil Tamr
