كلمات اغنية لعنة الحرب اسماعيل تمر 2016

(جاي عبالي اكل رغيف خبز)

(وكاسة حليب او بيضة)

(جوعان بعدني بلا اكل لهلق)

(لعنة الحرب يابا)

أني اناديكم أرجوكم إسمعو ندائي

من الألف إلى الياء حروفي عم تكتب رثائي

ياربي أخرج أمتي من هذا الإبتلاء

كيف يجوعُ قومٌ عـِنده حاتم الطائي

دعوتُ ربي راجياً يارب أقبل دعائي

نحمل هموماً لقد زادت عن الجبال

فــ كيف لا أبالي همنا فاق الخيال

من كثرة الظلم لقد بكت عين الرجال

اي لا تسألني مين الظالم لأنو كترت القضايا

صار الظلم عنا عادي روح شوف أهل مضايا

اي لا تسألني وين العدل يابا لك عمر مات

هيهات علينا وعلى الأمة هيهات

اي مارحلنا إلا لما تحول الوطن لغابة

يلي كان قلبو طيب هلأ صار رئيس عصابة

يامو الشام مافقدت حنانا بس أهلا تغيرو

والقدر بالغربة رمانا والناس تمرمرو

سوريا تحولت وليمة وفيا 1000 ايد

ما رحلنا غير لما شفنا الحل كتير بعيد

متغرب وعم طالب أرجع لدولة خلقت فيا

عشت فيا كبرت فيا أهلي وكل صحابي فيا (فيق)

اصحى يانايم الوطن بالدم عايم

ما بعرف كم كتيبة عنا لأني صايم

صايم عن القتل والدبح والتكفير

لأني راضي ضل مواطن ما بدي كون وزير

بكير، بكير لأنو بعرف الله كبير

ولأني مؤمن إنو الجنة بدا تحوي كل فقير

الموت نادا ولاد بلادي يالله عالبحر تعو

ياسوريين اتجمعو وبالقوارب أطلعو

سوريا نادت إرجعو وأنتو ما كنتو تسمعو

بالنهاية جثث ميتة عالشواطئ تلمعو

لك حتى انت يا بحر نحنا منك ما سلمنا

ردلنا جثثنا إكرام الجثة دفنى ايه

(في ولد عمرو جمعة ابوه طق عليه)

(عبنام هلق بالقبر ابوه)

(يحرس القبر يحرس اخواتو يسلم عليهن)

(والأب مات يقال)

يابا داري، داري، داري الإرهاب بفكر عاري

مين يلي باعك ياوطن ومين هو يلي شاري

داري داري غسل الدماغ بعدو جاري

تجار الدم باعو فينا العرض بعدو ساري

وجوه الناس كلا عابسة لأنو جوا الفتنة طابسة

بدك تفهم كلماتي شغل الحواس الخمسة

الورود عنا بتندبح وبيقتلوا المولود

مو موجود مكان آمن حتى تسمع صوت العود

حلت لعنة الحرب هي أحقر حرب بالوجود

بين الحارة والمدينة صار في حاجز وحدود

قتلو البشر الحجر صار علينا يبكي

أطفال صغار يئست صارت لا الله تشكي

من كتر ما شفنا قتل عقل ما صفا فينا

من كتر ما دفنى موتى أنشلت إيدينا

بالله عليكن بكفي ما تعبت إيديكن

ما شفتو صرخت الأرامل عم تدعي عليكن

يابا الوطن للغني والوطنية للفقير

يلي قضا عمرو ذل وهم وغربة وتعتير

أحلامي صارت غرفة صغيرة ببلادي تحويني

بتقلي منك خايف بقلك الله بيحميني

ياربي مالي غيرك طفي الحرب بنورك

يلي عم تفسد بالأرض صدقني جاية دورك

قالو الجوع كافر بس عنا الجوع قاتل

ولك تبت أيديكم جميعاً وشُلــت الأنامل

يا أطفال بلادي لا تحزنو يا سادة

أنتم خيرُ من في الأرض أنتم السيادة

انتم العلم والقلم ولك أنتم القيادة

انتم العمل والأمل ولك انتم الإرادة

بطونكم الفارغة قد فتت عظامي

ياعيني لاتنامي فــ أخوتي تعاني

من مضايا واليرموك إلى أطراف الشام

جائت صرخةُ أوقفوا القتل الله يراني (إسمع)

(جاي عبالي اكل رغيف خبز)

(وكاسة حليب او بيضة)

(جوعان بعدني بلا اكل لهلق)

الحلم العربي راح حطو بدالو رصاصة بالسلاح

إسرائيل بغزة وأنتو بجهاد النكاح

يلي بيزرع دم ما بيحصد غير الدم

أوباما لاتهتم جاري مفعول السم

تم القضاء على كل الوحدة العربية

يلي كانت تنادي بالقضية الفلسطينية

ياربي مالي غيرك جيتك أنا مناجي

لاتخيب دعوة شعب سوري إلك عم يناجي

يا ربي لاتحرم طفل سوري من ضمة أمو

ياربي وحد الشعب خلي سوريا تلمو

لك اسمع يا أبن آدم مسلم كنت أو مسيحي

بصوت اليتامى دخلك يا أم الشهيد صيحي

صيحي للمؤيد للمعارض للمقاتل

للضريح للجريح يلي دمو سايل

يا أم الشهيد صيحي وصلي صرخاتك للسما

مهما زادو بالظلم نور الشمس ما بينعما

خلي العظام ترتعش من جوا تصيح وتشكي

على وطن ما عرفنا نصونو لسا شو رح نبكي

لك رغم كل شي صاير لسا بتسألني عن ديني

علاقتي بيني وبين ربي انت شو بدك فيني

لو حطو القمر بشمالي والشمس بيميني

مافيني أقتل إنسان لو بقطع شراييني

متربي ع خيرات الشام وهادا بيقويني

بحترم كل الأديان هيك علمني ديني

بعبد ربي لأرضى ربي مو لترضى أنت

حافظ كتاب الدنيا كلو من الجلدة للجلدة

تباً لأمة تقسمت ل 1000 أمة

وكل أمة فيها تقول انا الأمة

من بعدك يارسولي الأمة قد تشتت

فأصبحت جريحة من الداخل تمزقت

فأقبلت إلينا معظم الوحوش والظلام

فسادا الفسادا في بلاد الشام

يا أمة المليار في مسلمين جائعين

والحكام تحت أمر البيت الأبيض راكعين

أطفال بلادي لاتعلم بالحرب إلى الحسرى

لاتنتمي لداعش، حر نظامي، أو لنصرة

(لاتنتمي لداعش، حر نظامي، أو لنصرة)

(صرلنا ثلاث سنين عم ناكل بازيليا معفنة بنحكي الحمدلله)

(وخالنا عم يروح من تحت القنص مشان نروح نجيب النا لقمة اكل)

(مشان الاطفال روحو شوفو الناس كلو صابو جفاف والله انو عم نبيكي)