كوبليه ما هي كلمات اغنية عالم رابع الجوكر ...؟
تاريخ طرح اغنية الجوكر الجديده عالم رابع
١١ يوليو ٢٠١٩
كلمات اغنية عالم رابع الجوكر 2019
ظهرك لحق مش من مصلحتك تنصفه
سبب جمال الغنوة قبح اللي بتوصفه
ساعات اللي إنت شايفه يبقى اللي إنت شايفه
أغلب الأوقات شجاعتك جات من الخوف اللي إنت خايفه
من دوشة تل الغلطات مش سامع من السما أصوات
بـالغل وبـالخوف متحاط مش عارف تاخذ خطوات
كله غرز بوزه في التراب في أول نطة
هما حاولوا ثاني وإنت اختارت حاجز أوطى
قتلوا مننا كثير بحجة شيء أهم
خلوا الهوا اللي بيني وبينك ريحته دم
ما داقوش إزاي الوجع شيء ملموس وطعمه في بقك
ظنوك بتقول مجازا إن الظلم كسر شوكتك
مش أرق اللي مسهرك للميعاد ده
كل اللي عدى مستنيك على المخدة
واللي فاكره حب قالوا عنه غدة
معظم النجوم اللي بتحكي لها مات من مدة
قتلت جزء فيك عشان يعيش أغلبك
معظم الحقيقة على ورقة في سلة مكتبك
لو رموا الشبك والتيار بدأ يسحبك
وإنت عومت عكس الإتجاه للحظة ده مكسبك
قتلت جزء فيك عشان يعيش أغلبك
معظم الحقيقة على ورقة في سلة مكتبك
لو رموا الشبك والتيار بدأ يسحبك
وإنت عومت عكس الإتجاه للحظة ده مكسبك
فرض السكوت يموت شخص بالبطيء
قص كلام من السياق يضل ناس عن الطريق
بعض الوجع داين تدان وبعضه حظك كده
في ناس بتعبد الحياة والباقي كبش فدا
وبصراحة مفيش مؤشرات إن الزمن هيدور
الظلمة اللي في عالمنا قادرة تبلع أي نور
وضع معادش مبلوع خلافنا في أصل وفروع
ملكنا لا سيف ولا دروع ملكتوا الطلق والجوع
سعرك سعر ترس في عجلة الإنتاج
وبصراحة يعني من أسباب إيمانك الإحتياج
لبسّوا الرجلين فردة عبدوا الحس والمادة
نزعوا المعنى من الوردة ينفوا المطرة لو تندة فوقهم
شوهونا أصبح زوقنا زوقهم
إتعاطفنا لما إتعاطفوا وقولنا قوم لوط بشوقهم
قصاد الريح تفضل جدور وجدور تتقلع
أول مرة أمسك كبريت العلم الأزرق ولع
قتلت جزء فيك عشان يعيش أغلبك
معظم الحقيقة على ورقة في سلة مكتبك
لو رموا الشبك والتيار بدأ يسحبك
وإنت عومت عكس الإتجاة للحظة ده مكسبك
قتلت جزء فيك عشان يعيش أغلبك
معظم الحقيقة على ورقة في سلة مكتبك
لو رموا الشبك والتيار بدأ يسحبك
وإنت عومت عكس الإتجاة للحظة ده مكسبك
اغنية عالم رابع الجوكر 2019 بالكلمات مكتوبة كاملة من كلمات El Joker والحان beatowski تم طرح اغنية الجوكر الجديدة على القناة الرسمية على اليوتيوب بتاريخ ١١ يوليو ٢٠١٩ كوبليه كلمات اغنية
- كلمات : El Joker
- الحان : beatowski
