كوبليه ما هي كلمات اغنية الحمدلله خبطنا الشيخ امام ...؟
تاريخ طرح اغنية الشيخ امام الجديده الحمدلله خبطنا
١٦ يوليو ٢٠١٣
كلمات اغنية الحمدلله خبطنا الشيخ امام 2000
الحمد لله خبطنا
تحت بطاطنا
يا محلا رجعه ظباطنا
من خط النار
يا اهل مصر المحميه
بالحراميه
الفول كتير والطعميه
والبر عمار
والعيشه معدن واهي ماشيه
اخر اشيا
مادام جنابه والحاشيه
بكروش وكتار
الحمد لله خبطنا
تحت بطاطنا
يا محلا رجعه ظباطنا
من خط النار
ح تقول لى سينا وما سينا شي
ما تدوشناشي
ما ستميت اوتوبيس ماشى
شاحنين انفار
ايه يعني لما يموت مليون
او كل الكون
العمر اصلا مش مضمون
والناس اعمار
الحمد لله خبطنا
تحت بطاطنا
يا محلا رجعه ظباطنا
من خط النار
ايه يعني شعب ف ليل ذلة
ضايع كله
دا كفاية بس اما تقول له
احنا الثوار
ايه يعني فى العقبه جرينا
ولا ف سينا
هى الهزيمه تنسينا
اننا احرار
الحمد لله خبطنا
تحت بطاطنا
يا محلا رجعه ظباطنا
من خط النار
كفايه اسيادنا البعدا
عايشين سعدا
بفضل ناس تملا المعده
وتقول اشعار
اشعار تمجد وتماين
حتى الخاين
وان شا الله يخربها مداين
عبد الجبار
اغنية الحمدلله خبطنا الشيخ امام 2000 بالكلمات مكتوبة كاملة من كلمات أحمد فؤاد نجم والحان الشيخ إمام تم طرح اغنية الشيخ امام الجديدة على القناة الرسمية على اليوتيوب بتاريخ ١٦ يوليو ٢٠١٣ كوبليه كلمات اغنية
- كلمات : أحمد فؤاد نجم
- الحان : الشيخ إمام
