تاريخ طرح اغنية الشيخ امام الجديده عن موضوع الفول و اللحمة
٠٧ يوليو ٢٠٢١
كلمات اغنية عن موضوع الفول و اللحمة الشيخ امام 2018
عن موضوع الفول واللحمة
صرح مصدر قال مسؤول
ان الطب اتقدم جدا
والدكتور محسن بيقول
عن موضوع الفول واللحمة
صرح مصدر قال مسؤول
ان الطب اتقدم جدا
والدكتور محسن بيقول
ان الشعب المصري خصوصا
من مصلحته يقرقش فول
حيث الفول المصري عموما
يجعل من بني آدم غول
والبروتين الكامن طيه نادر
زيه في ايها فول
تاكل فخذه فى ربع زكيبه
والدكتور محسن مسؤول
يديك طاقة وقوة غريبة
تسمن جدا تبقى مهول
لحمة نباتي ولا في الحاتي
تاكل قدرة تعيش مستور
ثم اضاف الدكتور محسن
ان اللحمه دي سم أكيد
بتزود أوجاع المعدة
وتعود على طولة الايد
ثم اضاف الدكتور محسن
ان اللحمه دي سم أكيد
بتزود أوجاع المعدة
وتعود على طولة الايد
وتنيم بني آدم اكتر
وتفرقع منه المواعيد
واللي بياكلوا اللحمة عموما
حيخشوا جهنم ده أكيد
يا دكتور محسن يا مزقلط
يا مصدر يا غير مسئول
حيث ان انتو عقول العالم
والعالم محتاج لعقول
ما رأي جنابك وجنابهم
فيه واحد مجنون بيقول
احنا سيبونا نموت باللحمة
وانتو تعيشوا وتاكلوا الفول
احنا سيبونا نموت باللحمة
وانتو تعيشوا وتاكلوا الفول
ما رأيك ياكابتن محسن
مش بالذمة كلام معقول؟
اغنية عن موضوع الفول و اللحمة الشيخ امام 2018 بالكلمات مكتوبة كاملة من كلمات أحمد فؤاد نجم والحان الشيخ امام تم طرح اغنية الشيخ امام الجديدة على القناة الرسمية على اليوتيوب بتاريخ ٠٧ يوليو ٢٠٢١ كوبليه كلمات اغنية
- كلمات : أحمد فؤاد نجم
- الحان : الشيخ امام
