كوبليه ما هي كلمات اغنية احتواء الفرعي ...؟
تاريخ طرح اغنية الفرعي الجديده احتواء
٢٠ سبتمبر ٢٠١٤
كلمات اغنية احتواء الفرعي 2014
بترجّاكم ما حدّش يحاول يحتويني
يناول رسوماتي لحدى الي يخدش تلاويني
استقلالية كلماتي عشيقتي الي بتواسيني
لا تشقلبونا و تعدمونا مع بعض كلارا و موسوليني
و هاي لإلك إذا مفكّر إنّك بتتحكّم بكلماتي
الي سمعته لسّا مقبّلات خدلك صحن كاليماري
و هاي لإلكم إذا مفكّرين إنّي بغنّي بمقر الحزب
كله كذب كلامي الخصب بس لإلي بينتسب
أفكاري بتناقض نفسها لإني مش مؤدلج عنيد
أنت مبرمج و الصراع كل ماله عم بياخد شكل جديد
كل ما تغفى بصحّيك هذا القصد والهدف
الفرعي النخبة أ سمّيني بن العميد
سمّعيني زغاريت كأنه ابنك شهيد
عم بطالبوا بحدود الـ 67 وهذا طلب زهيد
إحنا لهلأ مش عارفين إيش بالزبط بدنا
قاعدين نزاود على بعض كل واحد فينا موقّع هدنة
فتنا بالحيط فتنا فاتوا تفتفتنا
في لحظات حاسمة في التاريخ كيف ما التفتنا؟
ما تنسوا إنه هم إلي رسموا فلسطين التّاريخية
فلما عم منطالب فيها الحنك عم بكون مرخية
حكيتها بالمؤنّث خايف تكبر و تعنّس
بدّي أضمن إذا أفكاري تكاثرت ما تتجنّس
و تنحسب على موقع جغرافي إقليمي
وتصير تقولّك زي ما بدّك إقمعني بس مشان الله طعميني
بترجاكم ما حدش يحاول يحتويني يحاول يحتويني
مش رح تقدر تحتويني لو بتحاول تحتويني
مش رح تعرف تحتويني
بترجاكم ما حدش يحاول يحتويني
بترجاكم ما حدش يحاول يحتويني يحاول يحتويني
مش رح تقدر تحتويني لو بتحاول تحتويني
مش رح تعرف تحتويني
بترجاكم ما حدش يحاول يحتويني
لتاريخنا النّضالي الإحترام بس الصّلاحية خالصة
كل ما عم منشوط من نفس الزّاوية عم بتيجي بالعارضة
هلّأ فقدنا الحكمة و الشّجاعة إستراتيجية فارطة
لو إبن خلدون عايش بقّلك خلّيك ب حنضلة و إنسى الخارطة
بس مشكلة الطّرح هاد أنه إله كثير أبعاد
هنري كيسنجر كان عم بيستنّاني أكتب البيت هاد
اليوم هات شركات وللحكومة نسبة
شعبي على الضّفتين ناشف على أراضي خصبة
الفرق بين عمّان ورام الله بالتانية عيني عينك الكذبة
و بالأولى البار مش بالزّبط عند الحسبة
والشّبه إنه دائما في واحد بآمن بالمقاومة المسلّحة
و أخو بقولّه "وطّي صوتك" لأنه إله بال"مشروع" مصلحة
دائما في أختين وحدة شرعي والثانية مشلّحة
تجويع تطبيع مين بالزّبط كلّحك؟
أنشرها و إلك حسنات مين خلاّك متخلّف؟
قريتين جنب بعض يابا أنا حاب أتعرّف
زي ما سمعت خرّف مخطّطات لعينة
شكرا! للي حبّوا "مدينة حديثة" هاي مدينة حزينة
هاد من التعاطي نحيل هاي من ألجنك بدينة
نسخة على "دوّار المنارة" نسخة على دوّار المدينة
الإنقسام على الدّوري الأوربّي صحيح! مين فاز بالله؟
الإتحاد الأوروبّي بعمّان و موفاز برام الله
تحزّ بنفسي ثورة سوريا يحزّ بنفسي حزب الله
مين بدّه إياها من النهر إلى البحر ؟ و مين إتّهموا إنّه تخلّى؟
بترجاكم ما حدش يحاول يحتويني يحاول يحتويني
مش رح تقدر تحتويني لو بتحاول تحتويني
مش رح تعرف تحتويني
بترجاكم ما حدش يحاول يحتويني
بترجاكم ما حدش يحاول يحتويني يحاول يحتويني
مش رح تقدر تحتويني لو بتحاول تحتويني
مش رح تعرف تحتويني
بترجاكم ما حدش يحاول يحتويني
فرع المداخل
اغنية احتواء الفرعي 2014 بالكلمات مكتوبة كاملة والحان دمار تم طرح اغنية الفرعي الجديدة على القناة الرسمية على اليوتيوب بتاريخ ٢٠ سبتمبر ٢٠١٤ كوبليه كلمات اغنية
- الحان : دمار
