كلمات اغنية دارت بك الدنيا الوسمي 2023

دارت بك الدنيا وعنّك تخلّيت

ومغليك غيّر نظرته وانطباعه

وآمنت بأن الوصل مدّة وتوقيت

ولا بد لك يومٍ تشوف انقطاعه

وأنا غليتك صدق ما يوم ملّيت

شوفك واللي بّيك الغلا كل ساعة

وأحرجتني بردود فعلك وهزّيت

مشاعري والكون ضاق اتساعه

وإنت ولا كأنّك على قلبي أخطيت

وحرمت قلبي رغبته واندفاعه

قل لّي وش اللي لك من الشوق خلّيت

حتى اعتذارك ما بقى له شفاعه

هذا خطاك اللي جنيته وصدّيت

لا تقول خلي هان قلبي وباعه

ومْن الزعل ومعاتبك صدق ملّيت

وقنعت كانك ما تعرف القناعة

وأغنيت نفسي عن مواصلك وأقفيت

ولا عاد عندي للمواصل طماعه

ما الله بنى للذل في داخلي بيت

حتى الفراق أحيان يبغي شجاعة

وأغنيت نفسي عن مواصلك وأقفيت

ولا عاد عندي للمواصل طماعه

ما الله بنى للذل في داخلي بيت

حتى الفراق أحيان يبغي شجاعة