كلمات اغنية استحل القلب الوليد ال عامر 2022

استحـل القلب ملكك استحله

وخذ من الخـفاق كل اللي تباه

الغـلا تستــاهله لي ياك كله

يا محـب طاغي بقلبي غــــلاه

استغـل اللي تباء انته استغله

فــدوتك قلبي وكل اما حواه

والله و اثـــني عليها بعـد والله

ان حـبك ماسكن قلبي سواه

فيـك زين ما خلق مثله يدله

كل وصف فيـك واصل منتهاه

عودك الفارع خذاه الطول تله

فوق حسن القدلي ربي عطاه

عيـن ظبي نادر والخشـم سله

ورمش لا سلهم غدا لخده غطاه

الحجاج تقـول قوسين الاهله

جـل ربي ابدع برسمه زواه

لا تــروح بعيد وتزيد التوله

الوله والشوق محبوبك براه

تحـيي عــروق المعني منك طله

وبسمتك تسوى ملذات الحياه

خذ من افراحي وضيق الصدر خله

واطلب اللي انت من خــلك تباه

الحجــاج السمح بالبسمات فله

يعل هذا الوجه ما يعكر صفاه