كلمات اغنية حلم عمرك الوليد ال عامر 2024

ما الله معذب عباده و هم يستغفرون

الذنوب بوجه راعي الذنوب مبينه

مستحيل ان يستلذ المعاصي و المجون

واحداً عينه رحومه و نفسه دينه

العمر يبغى متونً ما تدحمها متون

ما هيب تمسي قويه و تصبح لينه

ادري ان الناس بتظن حسب اللي يبون

و الردي لا ضن فيك الردى ما بينه

غير ظن اللي ليا اخطيت مشاها بهون

والتمس لك عذراً تقول كنْك مزينه

عزة النفس تحرم راعي العزه يمون

خايفً من الضحكه تغييره و تليّنه

لا تحمل دينك الناس ما يستحملون

من يدور دين هاللحين ما احداً دينه

الكريم يعينه الله على سد الديون

الفرج ماله زمان و طقوس معينه

ان بقوا شيبانك أحياء فـ الباقي يهون

غيرك يدور على شوفهم ما عيّنه

لا تعلق حلم عمرك على اللي يدبرون

من رضى يبعد بيرضا عليك الهينه

لا تهاون حب ولا صبر مهما يكون

تحسب ان الحب و الصبر حاجه هينه

من يذوق الحب بـ أخلاص لا يمكن يخون

حتى لو ما ذاق من شفّه الا عينه

ما استتر دمعً تدفى ورى ظل الجفون

و دمعة الرجال لا ابطت عليه تشيّنه

احتفظ باللي بقى لك من دموع العيون

بكره تدور على الدمع ولا تعينه