كلمات اغنية غيابك المشؤوم الوليد ال عامر 2023

يا الرزين اللي تعاقب صاحبك بالغيبة

تحسب إن غيابك المشؤوم عنده عادي

والله إني بين ربعي لي وقار وهيبة

غير توك ما قدرت وما غديت قيادي

يا الله بصبرٍ يجرد خافقي من طيبه

أمتلك من بعده أعصابي ولين فؤادي

من خيالٍ عرض بزوله ونفحة طيبه

لين قمت أحس من فقده ماني بالهادي

أنفهق حر النهار وزبنه في جيبه

وانبلج من غرته فصل الشتاء وانقادي

يستشكون العذارا فيه وتهذري به

زيّنه دكتور ولا زينه المعتادي

لو يفك العقد من جيده سهل تركيبه

في ضمارٍ تشتبك من فوقه الأيادي

وإن مشا كلن تفدا في حياة الشيبه

جعل جنات الخلود لمنكبيه مهادي

أبتسم له وأتلذذ في كثر تعذيبه

أدري إنّه في جروحي ما هو بمتمادي

أونس بغيبته ضيق اللي تمنى صيبه

لاح شيبه من حرارة ما وطاه وزادي

أبتسم له وأتلذذ في كثر تعذيبه

أدري إنّه في جروحي ما هو بمتمادي

أونس بغيبته ضيق اللي تمنى صيبه

لاح شيبه من حرارة ما وطاه وزادي

وأترقب مثل عودٍ جر له ترحيبه

شايفٍ خيرة عياله من بطى وبعادي

وأترقب مثل عودٍ جر له ترحيبه

شايفٍ خيرة عياله من بطى وبعادي