كلمات اغنية فرصة العمر الوليد ال عامر 2022

الوقت والعمر والايام منفذ عـبور

بـيـن الـتـجارب وبـيـن اوقـاتـنا المحرجه

نمسي باماني ونصبح بالبسيطة نشور

ومن لا حسب مدخله يحتار في مخرجه

كل ماهب مالغربي نسيم البراد

غردي ياحمامة فوق خضر الجريد

واهنيك طرب وانا حزين الفواد

من عشير ٍ على شانه نظمت القصيد

يا وليفي خذيت من الغلا الاعتماد

لا تجازي محبك بالغرام الزهيد

وانت حبك وماضي لك قصيدي يعاد

لو تبيد العلاقه الغلاء ما يبيد

وان بلغ عنفوانك مرحلة الانفراد

لا تفكر توجهني على ما تريد

لو حبك بقلبي قبل سن الرشاد

الله اللي عطاك بدون شرط وقيد

فرصة العمر مرة يالغضي ما تعاد

وادري ان جرح قلبك من غرامي مجيد

عين شيهنتن طرح الشبك بالحماد

جابها من بلاد الروس ثلج وجليد

مير فيك التغلي والغلا والعناد

خصلة من خصالك والسلوب العنيد

دام هذي صفاتك واهجادي هجاد

بين عقل لبيب وبين قلب بليد

من يسوي سواتك يستحق الجهاد

مثل ماجاهد ابن سعود حكم الرشيد

وان تماديت تنزل من غزال الشداد

عقب ماكنت تسكن في فوادي وحيد

ليتها الاوله واقول كبوة جواد

مير تضرب بزند للجفاء من حديد

لين خليت صدري الشمالي حشاد

وان تواضعت لجلك قلت هل من مزيد

ليت للعاشق المحروم هيئة فساد

تاخذ الحق له ويعيش عمرً تليد

كان قلبك حجر لا تحسب اني جماد

لو اموت بغرامك ما كتبلي شهيد

منك رديت خيل ضمرت للطراد

وانت تدرج رحى حربي لسادا لبيد

عنجهيتك خلت نار حبك رماد

لو امثل بدوري خالد بن وليد

احسب ٍ لك ضمير ٍ من عناه استفاد

واثره اللي يعيش اوهام حلم سعيد

مازرعته جنيته عند وقت الحصاد

واحسب احساب نفسك منهو المستفيد