كلمات اغنية كل اتجاهاتي الوليد ال عامر 2025

عليـك الطـواري كل ليلـه تـجـي وتـروح

وجزال الهجوس اللي لا تضمى ولا تروى

الا يـ اجمـل الاقـدار واللي كتب باللـوح

انا من عرفتك .. عارف المـن والسلـوى

قبل لا التقي بك كنت متهالك ومجروح

حياتي تقلبني من السو للاسوى

لكن الزمن والوقـت يالفاتـن المملـوح

غرامك مزج علقمه واستخلص الحلوى

وصالك حياه ونبـض قلب وسعادة روح

وبعادك غرابيل .. وهموم .. وعتام اجوى

لو تشوفنـي وقت المفارق .. كثير مزوح

ترى والله ان كبدي بجمر اللضـى تكوى

يا كـل اتجـاهاتـي بـليّـاك ويـن اروح

لا والله لا طيّـب بـدونـك ولا بشـوى

فتحت الك قلب لغير عشقك ماهو مفتوح

يا كم حاولو قبلك دخوله بلا جـدوى

يبونـه ولا يـدرون .. بنّـي بعيـد شبـوح

عيوني على اللي لا مثيلـه .. ولا شروى

اجاوب حمام الورق مدري حمام الدّوح

ابيك انت وانت الكون كلّه وما يحوى

ابيّح لك شعوري لو انّي ما حب البـوح

على الصمت قدم عيونك السود كيف اقوى

عليك الفكر داير .. ومعك العروق تفوح

وترى عمري اللي فات دونك ولا يسوى

بحبك عسى من لامني امّه عليه تنـوح

مع كل الووو منك عسى لايمـي يلـوى

عتابك رضى والا الخطا لو يجي مدموح

جذور المحبّـه .. لا تمايـل ولا تـذوى

انا ما تخلّى عنك .. وانت لعيوني ضوح

لو عتيبه الهيلا .. تخلّـي ثرى عـروى

احبك مدام القلب ينبض وفيني روح

انا معتبر حبك .. من البر .. والتقوى