كلمات اغنية نسانيس الهبوب الوليد ال عامر 2021

عد مادارت وساقت نسانيس الهبوب

مرحبا ترحيب غالي ن بغالي يهتويه

ياحبيب عنده اسج عن كل امحبوب

راحتي شوفه على خير واقبل يديه

كل ماذعذع هوا البر من صوب الجنوب

اتذكر كم مكان نزله وداج فيه

مع طلوع سهيل وسهيل محبوب القلوب

خابر ن له مدهل ن وقته الماضي يجيه

جعل رب الغيث يرويه بالسيل الجذوب

طول وقت الوسم تسبل مخايله عليه

شايبي من روس ربعه مقدر وامحسوب

وافتخر بافعال يمناه وانابو سميه

راس قوم ن شب ثم شاب بالعز معصوب

ابلج والطيب والدين تاج ن يرتديه

يوم عسرات المعيشة وشدات الكروب

الخوي والجار والضيف كنهم من ذويه

بالثقال يقوم وان كبرت القاله ينوب

ابيض ٍ وجهه وتنصاه بيضان الوجيه

غير جات صدوف الايام له من كل صوب

وسنة الرحمن لاحب عبده يبتليه

قدر الله والمقادير ماعنها هروب

صابت الغافل وصابت ورى الغافل نبيه

والعمر محسوب والغيب خافي وامحجوب

غير حسن الظن بالله ظني وارتجيه

توبة ً لرضاه ترضيه وايغفر الذنوب

والسعيد يفوز برضاه وارضا والديه

والختام الحمد لله ستار العيوب

لا إله إلا هو أستغفره وأتوب إليه