كلمات اغنية وسعة الخاطر الوليد ال عامر 2023

عسى ربي يعين الديرة اللي خطها مسهوج

مزفلت مير من كثر المساري رايحٍ برحه

لو إنه حس في اللي كل ما مره عطاه هروج

خطير نحصله يشكي من القيلون والقرحة

أدور وسعة الخاطر وعذري معي يوم ادوج

ما عاد ألقى الدروب الواسعة والديرة الشرحة

وقف درب الرجا ما كأن باقي فوق الأرض فجوج

ما باقي غير درب من الدروب وعقبه الطرحة

ما باقي غير درب من الدروب وعقبه الطرحة

قوي القلب يترك صملته خلف الظلوع العوج

لا منه شاف له ذيبٍ معلق في طرف سرحه

ولا يا سهيف الذرعان أنا المخطي وأنا المرجوج

وأنا اللي طار عقله عقب ما شافك من الفرحة

وأنا ماني بلا بندر ولا أنت بنت راع الفوج

أنا اللي طق بابك بالغلط لين انفتح جرحه

وأنا القاضي وراع الحجة الأقوى وأنا المفلوج

وأنا اللي فاقدٍ حلو المنام وروحه المرحة

وأنا اللي فاقدٍ حلو المنام وروحه المرحة

ياليت الباب يوم إني طرقته باقيٍ مزلوج

ولا طاح الثقيل اللي قبل ما ينهدم صرحه

لمحتك ما لمحتك طيف ولا برق ولا موج

هذا درسٍ خطير ويعجز الأستاذ عن شرحه

لمحتك ما لمحتك طيف ولا برق ولا موج

هذا درسٍ خطير ويعجز الأستاذ عن شرحه

طرحتي طرحةٍ ما تقدر تغطي حمار الروج

ومن هاك النهار ليومنا والطرحة، الطرحة

ومن هاك النهار ليومنا والطرحة، الطرحة