كلمات اغنية على الباري امين حاميم 2022

على الباري أعـيـش العمــر سـاري

وانا عندي أمل في القلب منحوت

ولا مـلـيـت لحظه في انـتــظـاري

لأن الـخـيـر لــه مــيـعــاد موقوت

وانا واثـق وفـي حـسب اعتـقادي

بأن الــخـير بين الـنـاس مايـموت

ولو كــان الـزمــن لــونــه رمــادي

تلاقي ناس بيـن الـنــاس ياقـوت

فلا ترمي على الـوقـت الـمــلامـة

وتنسى الزين لو مـريت بالـشــين

وكل انسان حـطـه فـي مـقــامــه

مادام اهل الصفاوالصدق باقـيـن

ويامـا نـشوف من أجــناس يـامـا

وتـغـرينا مـظـاهر تـعجـب العـيـن

نشوف الـجرح منهــم والنــدامـة

ونــتداوى من الناس البســيطـين

كـذا الـدنيا وفيـها اطبــاع واشكال

فلا تصحب سوى بحكمة ومعروف

ولا تـعــتـب عـلـى غـالــي إذا مـال

وكـل انـسـان لـه أســرار وظـروف

على الرحمـن خـلي الخلق والحال

ولو شفت البلا أنـواع وصــنــوف

وما فـي البال خـلـه سـاكـن الـبال

ولاتكشف خفي وتخـبي مكـشوف