كلمات اغنية عيشة والسلام ايفل 2025

عيشة والسلام

الناس نهارها ليلي وانا نهاري بقي ليل

كل يوم أنا بسال نفسي اللي أنا فيه دا نهايته ايه

دايره في دماغي روليت

أفكر ف مستقبلي ولا ف اني أشيل البيت

بحارب من يوم ما ابتديت

مع اني لليوم ما ابتديت

حاسسني لسه عندي كتير وعمري لليوم ما اكتفيت

عمري ما مليت

بس أنا اتمليت

من كتر شرب القسوه مبقتش بيغفلي عين

عمري ماحبيت أصلا معرفش يعني ايه

عمري ما حسيت

ان الحمل اللي أنا شايله يقبل قسمه علي ٢

الوحده دايما بتندهني مهما كنت فين

لو كنت ف وسط حفله ف وسط قعده ف وسط جيش

ف وسط اهلي ف وسط البيت معرفش بتطاردني ليه

معرفش أصلا ذنبي ايه

كل دا أنا مختارتوش

في شخص تاني خالص انتو ماتعرفوهوش

شخص طالع عين أبوه

شخص علشان يعرف الطريق فضل سنين يتوه

شخص حارب الظروف فرقع

شخص كل الناس باعوه

شخص كل الناس كات ضده وعمرهم ما صدقوه

عمرهم ما قدروه عمرهم ما شجعوه

………

مش هتلاقي فينا ألم احنا الألم نفسه

احنا جيل ملهوش ضهر عشان ضهرنا الزمن قاسمه

كل أمل ألم قاتله

كل حلم العالم ناسفه

………

بس معذورين

ما أنا بردو اغلب جيلي مدمنين ومسجلين

كلهم متدمرين واللي ربك ساتره منهم

واقف ع الناصيه بيبيع

واللي فلته ف التعليم اتوظف ف شركة مفيش

واللي مات م الشقي ف صغره لأجل أما هيكبر يعيش

موت نفسه بالبطي

أنا نص جيلي مرضي ونصه التاني دراويش

شوفت ظلم وذل بدري

ف سن بسحف قومت بجري

طاقه وجهد وشغل بدي

زياده والاقل أاجري

أصعب حاجه بالنسبالي اني انفرد بعقلي

عشان لما ببص ف دفاتري

مابشوفش غير مشاكلي

خلاص بقيت بكره مرايتي

اللي فيها دا مش شكلي

اللي فيها دا غريب شب بشيبه وتجاعيد

شايف كل حاجه نفسي فيها بتبقي عني بعيد

شايف خوف من اللي جي رغم ان اللي شوفته كتير