كلمات اغنية أطمع بشوفك بدر بنيدر 2019

يا عشير الصمت ما ودك تعود بصوت شادي

ودي بصوتك هذاك اللي خذا قدره ومكانه

أذكر إنه كان عذب وكان ياخذ من عنادي

لين ما خلا لنبرة بحة الأصوات خانة

نادني مدام راسي حي وأظفر باجتهادي

حبك اللي تعرفه بموت ما غير مكانه

كل ما ناديت ردد لا ممات المنتنادي

والله إنه عنده إنه فالزمن عنتر زمانه

وده يبدل خواطر ناس ويغير مبادي

بس ما وده يغيرلا حبيب ولا ديانة

ما يخون اللي يخونه من كثر ماهو مفادي

حتى لو يخونه التعبير ما أحب الخيانة

يا نديمي ماني بنادم على كبوة جوادي

يوم لبسة الغلا سرجه وسلمتك عنانه

مير في صدري شعور أقسى واحد من الهنادي

كل يوم يحدني طيشه ويطغى عنفوانه

إجرح وعاتب وسوى اللي تبيه من التمادي

أنت غالي والميانة مثلها مثل الحصانة

شي عادي مير عاد اللي ما أشوفه شي عادي

لا تعاملني برسمية بعد زود الميانة

مشكلة لا صرت مدري كيف أحب وكيف أعادي

والذكاء ماله مكان إلا على متن الذهانة

فيك بكية شوق كان دموعها تسقي فؤادي

بس في وجهك يا بو وجهٍ رضي ضحكة لعانة

لا تعلقني على شماعة اللون الرمادي

يا الكلام اللي تمسك في آخر حروفه لسانه

دامني قبل أطمع بشوفك مكسر لك شدادي

معك أمانة لا تضيعني تراني معك أمانة

معك أمانة، معك أمانة لا تضيعني تراني معك أمانة