كلمات اغنية طلة العيد بدر بنيدر 2025

ليت كل الليال أعياد و أهله

من غلا العيد لا اقبل فايحٍ طيبه

المشاعر مزونٍ غُرّ منهله

مع هلالٍ قبل يطلع نحيّيبه

طلة العيد ماتشبه ولا طله

لا سلمنا من الوقت وعواقيبه

انترّقب هلاله وانتعين له

من كثر شوقنا والله لايبطيبه

الرفيق الكفو مانقدر انزلّه

مالنا عن وجيه الربع تجنيبه

عندنا تم ماهي عندنا لِله

سلمنا مانجيه الشك والريبه

ياعتيبه ياطيب العيد في حِلّه

عادت اعيادكم ياربعي عتيبه

أنتم العيد كله و الفرح كله

عيدّوا وافرحوا و العيد ياطيبه

اشهد إن العياد اتزّين الحلّه

والوفاء والكرم ربعي معازيبه

مِلْ قلبٍ تحرّا العيد يا ملّه

كنّه الغايب اللّي طوّل الغيبه

فوحة العود تسبق فوحة الدله

والمباني عليها العز و الهيبه

صبّوا اللّي شذاها يبري العلّه

كل فنجال معه الفين ترحيبه

حي فنجالٍ أشقر يبري العلّه

من يمين الرفيق اللي نماريبه

العتيبي يعقد الرآي و أيحلّه

لا لقى الغاليه ماقال كم هيبه

لابةٍ مانعرف الخوف والذله

مانشوف الصعيبه حاجة صعيبه

كل شيٍ نفكّر فيه نحتلّه

لا بغينا نجيبه يعني انجيبه

ماتريد الفعول شهود وأدله

كل فعلٍ يعز الراس نرهيبه

اهل الحق وأهل الدين والملهً

نكرم الضيف و نكمّل مواجيبه

لاقضبنا نصاب السيف ابو سله

مانرده قبل نِلحم مضاريبه

كل بيتٍ يعيش العز في ظله

لا رفعنا عموده شد اطانيبه