كلمات اغنية يومك ياوطن بدر بنيدر 2024

من عشت يومك ياوطن صرت ملزوم

أقصد عسى تسعفني الأبجديه

ياهاجسي قدّام لايلحقك لوم

حق الخُطى وإستنجد الشاعريه

يوم الوطن ماغاب عنّا ولا يوم

نستذكره في كل صبح وعشيه

ميدان أبو تركي بالأمجاد مزحوم

وأفعاله بعصره حديث البريه

اللي له التاريخ مايجلس .. يقوم

ياقف على طاريه ويقول حيه

صقر الجزيره حيَّر الفرس والروم

قصة كفاحه معجزه فيصليه

جاء والزمن صاخب ومايج ومحموم

والنَّاس فيهم تنهش الجاهليه

جاهم وساوى بين ظالم ومظلوم

في ظل شرع الله وسنة نبيه

من سالفة شلفاه والأمر محسوم

راح الشتات وماتت العنصريه

جعلك يا ابو تركي عن النار معصوم

في جنة الفردوس نفسك رضيه

وعساك من ربك مقرّب ومرحوم

وعسى عيالك للجنان النديه

في عهد سلمان الحزم مُبعد الحوم

إنباج صبح التنميه للرعيه

سلمان سيرة مجد وإخلاص وعزوم

أبو فهد ماجابن البيض زيه

يسهر على أمن الشعب فالليل واليوم

القلب ينبض طُهر والنار حيه

ومحمد إسمه من ورا الغيم معزوم

والفكر ثاقب والمواقف جريه

في رؤيته باكورة إنتاجه نيوم

له في نموّ الدار بصمه جليه

( بوجودهم ) مجد الوطن عانق نجوم

وكفوفهم في ( جودهم ) حاتميه

والشعر في يوم الوطن عِقد منظوم

يعرض على المسحوب والسامريه

تطيّبت طيبه بعنبر ويشموم

وإستبشرت مكه ونجد العذيه

وأصبح سما عرعر من الفرحه غيوم

وإستمطر الدمام وأبها البهيه

والخير سمّا فوق نجران ديموم

وحايل سقته المزنه العقربيه

وأعظم علاقه بين حاكم ومحكوم

هي والله اللي ترفع المعنويه

يـ أطهر ثرى حبك فالأعماق مختوم

ونقدّم الأرواح دونك هديه

حنا عيالك فعلنا يدمر القوم

لو جلّنا ماهوب فالعسكريه

لاشك نصبح عسكر بدون مرسوم

فالحرب كلٍ ينقل البندقيه

واللي يعادينا مشرّد ومهزوم

وتصيق به ساحات الأرض الفضيه

والموت واحد والقدر شئ محتوم

موت الرصاصه مثل موت الشظيه

واللي يخون الدار بالعار موصوم

مايستحق إنّه يشيل الهويه