كلمات اغنية هلا بك برهان 2022

على مد النظر أشوف طيوفك تمسك إيديني

وعلى طول الدرب مابه سوى حضنك ملاذ ودار

تهاوى قلبي لعيونك تهاوى وسط كفيني

شكت منه الضلوع إنه كبر بك والمحاني صغار

أنا مدّيت لك قلبي تفضل خذه وخذ عيني

تدافع لك حنايا الجوف وتتركني أنا تذكار

سكنت العين وعن غيرك كأن الله معميني

ولا غيرك ورب زينك شغل فكري في بالي دار

ترى أنهد بي حيلي غلاك أكبر من سنيني

تعال وشب فيني حب مادامك قايد بي نار

هلا بك عد ما أخاف البطا يهدّ باقيني

هلا بك كثر شوقي لك هلا بك قد ما قد صار

تفرّد كل شيٍ لك يا عيني ويا نظر عيني

تمرّد داخلي وش عاد تأكد فيني لا تحتار

أحبك حب تعدّى العقل تعدّاني وسطى فيني

أحبك والكلام أبطى أحبك و الإيدين قصار

ملكت الوقت كل الوقت يا أوّلني وبعديني

عطيت العمر فوق العمر حب به أعيش أعمار

أنا اللي وسط حضني تنام (تنام) مثل ما يديك تحميني

من رماح الهموم ومن التعب ومن عنا المشوار

لقيت بوسط قلبك حب تقبّلني ولطف فيني

علي يعطف ويفهمني يلملمني قبل أنهار

لقيت في قلبك المنفى رغم تقصيري ياويني

يروف بدمعة عيوني يعدل بي ولا قد جار

أنا وشلون أجازي طيبتك وإنت اللي معطيني

أمان الدنيا يوم الخوف قبلك تاركٍ آثار

يا بخل الحكِي صوبك ويا كبر الذي فيني

أحبك كان يكفي الحب أحبك والمعاني كبار

أحبك والمعاني كبار