كلمات اغنية فوق السحاب بهاء سلطان 2018

معرفش ممكن يبقى بكرة شايلي إيه

بس النهاردة هعيشه مهما هيجرا فيه

باينة الحقايق كذبة من فوق السحاب

يبقا الطريق واضح وبندور عليه

أصعب مافي الغربة مابستناش سؤال

وبحس بالوحدة وبعيش أيام ثقال

لو نملك الدنيا إحنا برضه صغيرين

سر السعادة في الرضا على أي حال

فوق راسي أهلي وناسي ده اللي عارفه وبفهمه

لو حد بس مرة مسهم مش هرحمه

خيرهم عليا كثير

قليل الأصل هو من في يوم يوقف معاه

إخواتي سندي ولو هقول لوحدي ألف آه

بس أشوفهم بخير

والدنيا دايرة بينا يوم معانا ويوم علينا

من إمتى حد إستنى رزقه وجاله من الهوا

أي ناس مالهومش قيمة بعدنا عنهم غنيمة

ومحدش ماسك رزق حد ولا في إيديه الدوا

الواحد يبقا جاحد ليه على أقرب ما ليه

فين الحب اللي من غير أي مطمع ده نلاقيه

وبين الوشوش تايهين

الحوجة للأغراب ساعات تذل وماتعليش

وكثير صحاب تاخد ولو تحتاجها مبتديش

هنروح من بعض فين

ويارب إنت اللي عالم

ناس كثير مالهاش معالم

ده في وشي قال زي الملايكة وفي ظهري كان شيطان

في النهاية كله واضح مهما كان الجاي رايح

وهتفضل باقية السيرة واحنا صورة ع الحيطان