كلمات اغنية ملهمة الإبداع حسين الجسمي 2024

يا فاطمه يافارقه في كل شي صيط وخصال

يا ملهمت الابداع والانجاز يكتبلك شعر

اذا وصفتك من يمين الفخر ولا من شمال

انت من الصوبين عز وطيب وامجاد وفخر

انتي النجاح اذا كتب اسمك تشرف بك وقال

والنعم بك يا فاطمه والنعم بك بطن وظهر

ابوك منصور المكارم وامك الطيبه منال

من وين مبدء بالقصيده كني ينهل من بحر

انتي حفيدت زايد اللي طوع الصعب المحال

وخذتي من محمد ابن راشد طموحه والفكر

ومن عمك محمد خذيتي طيب راي وطيب فال

اللي غلاته في قلوب الناس وعيون البشر

قايد وطن و أوفا شعب يلين وصلها الخيال

بو خالد اللي زادها رفعه على مد البصر

وانتي سمية فاطمه ام الشيوخ ام الرجال

اللي مكارمها ملت هالارض لأطراف القمر

مبروك كل خطوة نجاح وكل خطوة بإحتفال

وعسى طريقك كل خطوة فيه انجاز وعمر

مدي يمينك للسماء واللي بعيدٍ لك يطال

الصعب لك أكبر سهل والسهل ما يصنع نصر

انتي لنا أكبر فخر ولدارنا نعم المثال

ما أعظم شعور الفرح بعد التحدي والصبر

مبروك لك يا فاطمه يا شيخه الوصف ابكمال

الدار غنت لك فرح والدار تنثر لك زهر