كوبليه ما هي كلمات اغنية سيبه سيبه حكيم ...؟
تاريخ طرح اغنية حكيم الجديده سيبه سيبه
٠٣ أغسطس ٢٠٢٣
كلمات اغنية سيبه سيبه حكيم 2023
سيبه سيبه آه يا قلبي وسيبه
الشوق هيجيبوا يمسحلك جوخ
سيبه سيبه آه يا قلبي
وسيبه يلعب الاعيبه واهو مهما تبوخ
لازم يجي يقول سماح
لازم يندم على اللي راح
عايز اقوله ليه ده كله
على ايه منفوخ
عادي عادي واهو مهما يعادي
لا يحب بعادي ولا يستغناش
عادي عادي ان افضل انادي
ويزيد في عنادي وعايشها طناش
بس جايله برضو يوم
يسهر ويعد النجوم
ليه يلاوعني ما يطاوعني ده معايا هيدوخ
سيبه يبعد سيبه يعند
سيبه يعمل انك دايما مش فارق معاه
سيبه يرسم سيبه يحلم سيبه
يركب اعلى خيله هيجيني بهواه
يراضيني يداديني وابقى أنا مرتاح
لازم يجي يقول سماح
لازم يندم على اللي راح
عايز اقوله ليه ده كله
عايز اقوله ليه ده كله
على ايه منفوخ
داري داري آه يا قلبي
وداري ناري ومراري خليك لعيب
داري داري آه يا قلبي
وداري واهو مهما يداري أومهما يغيب
بكرة يجي يا قلبي ليك
بكرة يجي يقول شاريك
لا هعاتبه ولا احاسبه ابو طبع غريب
ماشي ماشي آه يا قلبي وماشي
والتقل ده صنعة وليها أصول
ماشي ماشي ياقلبي وماشي
لو حتى مجاش اصبر هتنول الكلام
لو كان يفيد كنت هحكي كتير واعيد
بس عادي كله عادي
واهو كله نصيب
سيبه يبعد سيبه يعند
سيبه يعمل انك دايما مش فارق معاه
سيبه يرسم سيبه يحلم سيبه
يركب اعلى خيله هيجيني بهواه
يراضيني يداديني وابقى أنا مرتاح
لازم يجي يقول سماح
لازم يندم على اللي راح
عايز اقوله ليه ده كله
على ايه منفوخ
اغنية سيبه سيبه حكيم 2023 بالكلمات مكتوبة كاملة من كلمات محي حوار والحان هانى فاروق وتوزيع باسم منير تم طرح اغنية حكيم الجديدة على القناة الرسمية على اليوتيوب بتاريخ ٠٣ أغسطس ٢٠٢٣ كوبليه كلمات اغنية
- كلمات : محي حوار
- الحان : هانى فاروق
- توزيع : باسم منير
