كلمات اغنية الزمزمية حمد الخزينه 2020

يالله يا رازق قليل المناويش 

ونفسه من الطلبة طحوح(ن) معيه

لا عاد لا دوجه ولابه مطاريش

واللي تبي عيني بعيد(ن) عليه 

الزمزمية ما تقهوي المشاويش 

الله ولا رزق(ن) ورى الزمزميه

الزين شبتها قبال المداغيش 

وفز(ن) من المقهاه والضو حيّه

برية(ن) لا ناشت الضو تنويش

تفهق ولا هي يوم فهقت بنيه

تبرد وتجعل في كبير المهابيش

نجر(ن) يصوت للقلوب الشقيه

في مجلس(ن) ما فيه صجّه وتشويش 

وسوالف(ن) لا جات لا هي طريه

أو دوجة(ن) عقب المطر باشقر الريش 

مسرول(ن) جبر الثنادي دهيه

لا جلعت منه تشادي الدراويش

تطيح من صفقه ولو هي قويه

والله يالولا سجّة العصر ماعيش

معي مناعير(ن) بخطوات فيه

وجدي عليهم وجد ذودٍ معاطيش

على جبا عدٍ جلوهه خليه

أو وجد من خلوه ركابة الجيش

في ساعة تلهي الخوي من خويه