كلمات اغنية والله مابدله حمد الراشد 2019

ياصاحبي صاحبك يبغي وصالك

وماله غنا عنك ولا له وسيله

قلبي وروحي كلها لك حلالك

وانته في قلبي مثل نار وفتيله

اغار من اهلك وحتى ظلالك

واغار من تاجن يلامس جديله

قلبي يذوب اليا طرا لي جمالك

واهيم واحضر بيوتن جزيله

انا الذي في حبه اليوم هالك

والله مابدله ومارضى بديله

لو جار وقتك والزمن ماصفالك

اقرب وهمك والله ان احتمي له

متربعن في القلب انته لحالك

ومشقي عيوني بالسهر كل ليله

وفر كلامك حتى وفر سوالك

خل الزعل وداو الجروح العليله

الله يرحم لي غلاك ودلالك

ابي اعيش الحب لو من قليله

والله ثم والله مابي بدالك

والله مارضى لي بغيرك خليله

ياصاحبي ارحم لمنهو لجى لك

والوقت مايرحم وربي وكيله

وشهو حصل لك قولي لي وش جرالك

اتعذب الي مالقى فيك حيله