كوبليه ما هي كلمات اغنية اسكندرية حمزة نمرة ...؟
تاريخ طرح اغنية حمزة نمرة الجديده اسكندرية
٢٦ يوليو ٢٠٢٣
كلمات اغنية اسكندرية حمزة نمرة 2023
طب والمرسي أبو العباس
إنتي حبيبة كل الناس
بحرك لولي ورملك ماس
عمار يا اسكندرية
لو هتكلم في التفاصيل
للصبحية هقول مواويل
بحري وقبلي وصبح وليل
بموت في اسكندرية
نسمة هوا ساعة عصرية
وكوزين الدرة والتمشية
م المعمورة للمنشية
يا مساء الجمال
م الكورنيش ولحد القلعة
نتعشى ونتمشى ووالعة
من سحرها بتحس بمتعة
ولا خطرت في بال
طول الليل صاحية ما بتنامشي
باجي مببقاش عايز امشي
وسنين تيجي وسنين تمشي
وهى لسه شباب
طب والمرسي ابو العباس
وشوارع بتحب الناس
سايبة علامة فى قلوب يامه
ده مين جالها ونساها
صوتها فى مزيكة درويش
واغانى الناس والحرافيش
وسط اللمة وايوه لما
تسيب روحك معاها
المندرة ولوران و ستانلى
والمود المظبوط بالمللى
مع صوت الموج اللى يخلى
تمللى البال يروق
حتى الشتا عندها حدوتة
والمطرة بتنزل مبسوطة
مع كوباية شاى مظبوطة
وسهرة للشروق
سيبلها نفسك مش هتسيبك
وان جيت تبعد هى تجيبك
عارفاك ومصحباك على عيبك
كمان سرك فى بير
ومعاك ياما ولا شوية
كله على الكورنيش سواسية
نفس الرملة ونفس الماية
ولا بتفرق كتير
اغنية اسكندرية حمزة نمرة 2023 بالكلمات مكتوبة كاملة من كلمات Mahmoud Farouk - Mohamed ElSayed والحان Andre Mina - Hamza Namira وتوزيع Apostolis Mallias تم طرح اغنية حمزة نمرة الجديدة على القناة الرسمية على اليوتيوب بتاريخ ٢٦ يوليو ٢٠٢٣ كوبليه كلمات اغنية
- كلمات : Mahmoud Farouk - Mohamed ElSayed
- الحان : Andre Mina - Hamza Namira
- توزيع : Apostolis Mallias
