كلمات اغنية دمتي على العزه حمزه العزي 2018

دمتي على العزة و عشتي بلادي

باذن الولي يا جعل ارضش عمار

يا جعلها تزهر سهولش بكادي

وتعانق ابراجش شموس النهار

والمجد و التّاريخ يكتب مفادي

انّش فهالعليا خذيتي مدار

في اثنين ديسمبر تبادى المهادي

في واحد سبعين كان القرار

اعلان ميلادش عساها تعادي

وانتي بنعمة يا عسا ما تبار

والعمر شينٍ لو بدا فازديادي

وانت العمر ما زادش الا انبهار

صرتي مزارٍ للعلا وارتيادي

للحالمين للّي نوو الازدهار

واللّي طلبنا علم واضح وكادي

انا بسوق العلم واضح جهار

الواحدي فالحقّ ماهو حيادي

الحقّ حقٍّ ماله الا الجسار

ترا تيامنّا و بالله اعتمادي

علّم ابو وجهين باّنه يسار

يقول اسلمنا و قلبه سوادي

يومه حمل للجار كلّ الضرار

والله ما فاده كثير العنادي

او عاد بيفيده لطيف الحوار

والعمّه السودا عساها النّكادي

المبغض الهادم عسا للدمار

جعل السّقيطة تحترق للرمادي

مع كلّ من هو سبّ خير الخيار

وعلّم ابو طربوش بانّ الهنادي

يفصل اذا ماحان وقت الظهار

حنّا عرب بالدّم لو به رشادي

درى بانّا فالمعارك كرار

انكرّ كرٍّ فوق خير الجيادي

ونجعل اللّي قد تباشا بوار

الخير فينا منبعه بالفوادي

والشّر فينا نظهره للشرار

وبالله صوّت للاوادم ونادي

بالفعل محنا بالمساحة كبار

ماعاد تفرق من لفانا معادي

ما دامنا نقدم بسيفٍ ونار

مادام ضربتنا بروقٍ رعادي

مادام فينا روح تقدح شرار

ومادام يحكمنا رجالٍ شدادي

الخوف ماله في المحاني قرار

يا ريّس الدولة فعولك تشادي

يوم ان بفكرك السّياسة تدار

مادري السّيادة بالممارس تجادي

والّا تورّث فالدّما واحتكار

لكن اكيد القول بانّك ريادي

وان لك مكانة فالبشر واعتبار

وسلام يا شيخٍ محنّك قيادي

رتّب جنودك فالوغا والحصار

شيخٍ على الطولات ظافر جوادي

يعطي و مدّاته طوال الشّبار

هذا وليّ العهد وامر اعتيادي

انّك ترا فعله دروسٍ تثار

ابوه زايد والريادي ريادي

اشيا تورّث في طوال العمار

الصّف واحد و الهدف الأعادي

اندكّهم دكّ النّجر للبهار

الارض قد ربّت جرودٍ هدادي

حطّ العزوم العالية للحرار

تحوم حومٍ ما يعذرب وبادي

حومٍ يردّ العلم وافي وبار

خذها وقومي فالشدايد عتادي

تاريخهم واضح و مابه غبار

بركان لا يغرّك اذا كان هادي

لا ثار اليابس حرق بالخضار

الواحدي كفو السّند والعمادي

واللّي يجاورهم كفاه الجوار

فالخاتمة صلّوا عخير العبادي

المصطفى محمّد سيد الخيار

و الحمد للّي له خلقنا عبادي

الواحد المعبود ربّ الدّيار