كلمات اغنية حكاية وانتهت دحام العبيوي 2022

حكاية وانتهت

من عادني طفلٍ صغير

احن و أشتاق و أغير

واليوم انا حالي مرير

وفي خافقي حب وغرام

يا غايبٍ عني سنين

تركت لك شخصٍ حزين

ما اقول غير الله يعين

العين بعدك ما تنام

أبني من أحلامي جبال

واقول يا خلّي تعال

واذكر بأني فـ الخيال

وابكي ولا يمكن أُلام

لا نامت عيون العباد

طيفك يزاور فالبلاد

أَحرم عيوني من الرقاد

ما ليلٍ يمر بـ سلام

بـ اول وصال احييتني

من بعدها خليتني

اشقيتني و ابعدتني

وحيد ما حولي آنام

حتى وانا بين الزحام

طير الحزن رفرف وحام

اي والله اني مو تمام

اشكي و اغني للغمام

ما كنت احسب ان الغياب

لا طال ياتيني إكتئاب

اسهر و لحظاتي عذاب

ليتك ما صوّبت السهام

سريت مع أهل المزوح

قلت انهم طب الجروح

لكن وسط الروح روح

ما يزيحها ضحك وكلام

ملّيت من بُعد وهجر

وسهره ليا حد الفجر

ياليت لي فيها اجر

الصّبر من هجرك حطام

بختم كلامي لك واقول

واسمعني يالظبي الجفول

ماعاد باقي لي حُلول

من صدّتك شفت الآلام

صحيح حبّك قد بقى

لكن تسبب فالشقى

بنساه لو انه رقى

حد المحبه والهيام

هذي حكايه وانتهت

قصّتك فالقلب انمحت

لا عادها ايامٍ مضت

ايام غامرها الظلام