كلمات اغنية أذكريني درع المري 2023

ما برد عزمي ولا غير لهيب الحُب لوني

دام لي قلب ً من عروق الوفاء يسقي وريده

و الهوى حظ ونصيب ودمعتي عذرا جفوني

وللجفون سلوم والدمعه تخاف من النقيده

ليه يا من تسرقين الود من نظرة عيوني

ماحسبتي غيبة اللي لانوى الغيبه فقيده

وليه لاعزمت أبنسى من على الدنيا نسوني

ما ذكرت الا انتي وجرح مساحاته عديده

لیت عذرك عن وفاك وغلطتك يلغي شجوني

وليت لي قلبً بدون احساس و احکامه شدیده

كنت اظنك ماتعيشين العمر لحظه بدوني

واثر ما للظن غير اللوم ولحون القصيده

اذكريني كل مافاظت عيونك وافقدوني

وكل مادمعك نشد خدك وقال شصار بيده

واذكريني لاغزا البرد الظلوع ومالقوني

ولا جبرك الوقت في ممشاه واطباعك عنيده

واذكريني.. كل ماجاتك من العالم لحوني

عقب ماكنتي من لساني تعرفين الجديده

واذكريني كل ماحتجتي تخونيني وخوني

في غيابي كل ذكرى بيننا كانت سعيده

والا انا لا من ذكرتك ماذكرت الا طعوني

فالزمان اللي تجمعنا به الله لا يعيده

ما ربحت الا جفاك وما خسرت الا جنوني

ولا بعد هذا سوى النسيان والفرقا الاكيده

سامح الله غلطة احساسي قبل غلطة عيوني

وسامح الله هاجسي في ماهدالك من رصيده

لو ظنوني يوم واحد تشعر بخيبة ظنوني

ما يصير الحزن سيد الصدر وافراحي عبيده

سامح الله ذنب كل اللي على الضيقه حدوني

لين صرت أواجه الايام في بسمه وحيده ..؟