كلمات اغنية القريب البعيد درع المري 2023

الله يحفظك بحفظه يا القريب البعيد

‏ويستر على الرحلة اللي شدت رحالها

‏يا اللي عليك القصيد ومفردات القصيد

‏ما يلتفت طرقها في وزن موالها

‏غديت في غيبتك مثل الغريب الوحيد

‏ومفارق اللي ما هو يدري وش احوالها

‏يقول في خاطره في كل صبحً جديد

‏أربني طول ذا الغيبة على بالها

ترى الغالي اللي جاب طاريه صوت الناي

‏عليـه الخفـوق المغترب مرقب شوحه

‏ياليته يسج ويسمع من المجرب راي

‏ترى لو سهر ما يأثر إلا على روحه

‏غرامـه عتـق في الخافـق وهو دواي وداي

‏وتسليني إليا غاب في صدري جروحه

يا ناعم العود يا القد الليان الفريد

‏يا أجمل ما تضفي على مجدولها شالها

‏يا شبه شقرا لعوب ما تعرف الحديد

‏تمشط بعطر الشرف وتلبس جلالها

‏تلعب مع النود لا حرك غصون الجريد

‏وما مس شامة نحرها كون سلسالها

ترى الغالي اللي جاب طاريه صوت الناي

‏عليـه الخفـوق المغترب مرقب شوحه

‏ياليته يسج ويسمع من المجرب راي

‏ترى لو سهر ما يأثر إلا على روحه

‏غرامـه عتـق في الخافـق وهو دواي وداي

‏وتسليني إليا غاب في صدري جروحه