كلمات اغنية باب للفخر درع المري 2024

الحق نوره مثل نور الشمس جلاي الظلام

والشمس لا يمكن ظلام الليل يحجب نورها

وأنا هجوسي كل ما طلقت الخيال ابحر وهام

يقدر يكون هندسه برموزها وكسورها

واللي يفكر كيف يملا بطنه الما والطعام

خله يفكر في طلب عمي العيون وعورها

صدق رسول الله تعالى في الحديث من ألف عام

عن السنين اللي عسى ربي يكافي جورها

نطق رويبضة العرب ثم صدقوه إبن الحرام

وكذب حكيم كان الامه منه تاخذ شورها

شفنا وعفنا يا مروجة السوالف والكلام

وسايل الإعلام جا ناس تقوم بدورها

فكر التطرف يدعمونه بالشذوذ والانقسام

قوم هذه حرية الإنسان في منظورها

وكان استمروا في الجهل قلنا على الدين السلام

بكرة يبون يخونون السنة وجمهورها

قوموا لهم قومة صلاح الدين يوم أذن واقام

ومقدسات المسلمين ارتدها بحضورها

نشر الوعي والتضحيات أهم من ضبط النظام

لو الدول قامت ضوابطها على دستورها

أم الكباير لو تسبب بالفتن بين الأنام

نرمي لها عظم يجي بالعرض في حنجورها

يا ويلكم ويلاه يا اللي في دواير الإتهام

عدوا السنة بليالها وأيامها وشهورها

لو كان صحتوا مالكم منا مفر ولا أنهزام

مطاولتكم علة تصعب على دكتورها

حنا ألتزمنا الصمت ما حنا عن الواقع نيام

وجينا الخلايا الفاسدة نجتثها بجذورها

على العموم انطلقت الرحلة قبل مسك الختام

وأعرب عن رضاي بمسيرتها وحسن أمورها

على العموم انطلقت الرحلة قبل مسك الختام

وأعرب عن رضاي بمسيرتها وحسن أمورها

أنفك باب للفخر معطية كل الإهتمام

لو دونه بحور الأراض السبع خضت بحورها

لكن ليا فاخرت فاخرت بمعرفه واحترام

ولا ظلمت أزكى النفوس ولا جرحت شعورها

راسي يفور من الحميا مع بني مرة ويام

قبايل يعرف وفاها والقدر في صدورها

سرعة كرمنا تخلج الخلفة لمردوم السنام

لين المطيه فوق مبركها تدق بزورها

إن قام شاعرنا يقوم الصف معه إلى الأمام

وإن قام فارسنا له السربة تحشد سبورها

سيوفنا دايم تحصد الروس في يوم الصرام

وخيولنا عند اللقا تعطي الحفيف نحورها

شواهد قبور أخصمانا بالجماجم والعظام

كم شيخ قوم فارق خطام الذلول وكورها

نهوي ليا من ولع البارود ثم ثار العسام

مثل الصقور اللي على شم الجبال وكورها

لأفعالنا العذرا تهل القرن وتدق الوشام

وتحني الكفين بالحنا وتكحل حورها

قوم لنا التاريخ يشهد كل ماشتد الخصام

حييننا تحيي فعول أمواتنا فقبورها

لولا الفعل ما كان حامينا على سود الجهام

اللي محاضين معامقها وطيب سرورها

غرس لنا ما نزرعه في بور ولا في وخام

دايم على ساقي قراح الماء نغرس بذورها

موروثنا الحاضر وأصالتنا على قدر ومقام

وأكبر مصالحنا ليا فلت على مقهورها

وإن باشر الوسمي حماد الأرض من غر الغمام

كم ديره تسهج خباريها ونبت قفورها

وإن جا الدهر نرخص لها دم القلوب ولا نلام

من برنا فيها تعصب بالعدال ظهورها

وإن جا الدهر نرخص لها دم القلوب ولا نلام

من برنا فيها تعصب بالعدال ظهورها