كلمات اغنية صوت الوله درع المري 2021

تغافل خاطري شوقاً من السجة يجيه اجفال

وأنا رغم إني أخافه من الوحشة تلقيته

يجوز إنه نفذ صبري ولا لي حيلةٍ واحتال

أو إن ودي بطاريه ومشتاق وتباطيته

أحبه وأدري إن حبه مثل ما هو وأنا لازال

أكابد ما بقى منه على شيٍ تمنيته

شعوري له لاهو يكتب ولا يقرأ ولا ينقال

عجز فيه القصيد وفكرة المعنى وقافيته

دعيته وانقطع صوتي وأنا أدعي يا خلي البال

ترى صوت الوله ياخذ من المشتاق عافيته

تعال أفرد لك ضلوعي مكان ومنزل ومدهال

وآخذ كل الشعور اللي جمعته لك وخليته

لا تركلني على حسب الظروف ورنة الجوال

وأنا ما فيه شيٍ ما تحايلته وسويته

لا تلحقني دهر زرعاً تركت أرضه جفى وإهمال

مادام أنك الوحيد اللي في يدك الماء ولا أسقيته

عفاك الله من وجدي عسى يعفيك لبس الشال

من اللي خلف لبس الشال لا أظهرته ولا أخفيته

عفاك الله من المنحر لا شع به البياض وعال

ومن ظلمة سواد اللي على الأمتان هليته

كبر عينك وصغر شفاك وطول العنق أبو سلسال

وخصراً من ضماره كنّك لا اشبعته ولا أرويته

عذاب شفوف حرقة جوف ضيقة صدر نكسة حال

جزاء من وقف لشوفك على الدرب وتعديته

يقولون إن الرجاء المشتاق يبني الوصل مهما طال

وأنا أقول الرجاء لا طاولة مدة هدم بيته