كلمات اغنية ولهتك درع المري 2022

ولهتك يا النديم اللي على صافي وفاك أضرمت

بصفحة ذكريات العام واللي من ورا العامي

عطتني عزلة إخلاصي معك نسيان من نادمت

كتبتك وانطوت صحفي عليك وجفـت أقلامي

على ضو الكلام اللي كشف عنا ستار الصمت

عرفت إني تحت برق الأمل في روض الأحلامي

أحسب إنك تيمم باتجاهي وين ما يممت

وأثر ما أنت بورايه في الطريق ولا أنت قدامي

مصيبة لاتردت قيمتك في عين من قيمت

يشوفك بالسهل وأنت تشوفه بالسما السامي

كثر ما حن قلبي للونيـس وكثر ما درهمت

فجر صدري حنيني واتعب الأقـدام درهامي

فجر صدري حنيني واتعب الأقـدام درهامي

عيون الصد وعيون التجافي حول مهما أكرمت

تشـوف المجتهـد كسلان والبناي هدامي

مادام إن جانبي شام لجنابك وإنت عني شمت

كثر خيرك وأنا ماني بلا جايـع ولا ضامي

أشوف إنه علي واجـب ليا مريتكـم سلمت

مرور أكرام تربطه الكرامة عند الأكرامي

علشان الخفوق اللي على عرشه قعدت وقمت

حجب عنك الدجى لين أشرقت لك بيض الأيامي

ختام السالفة يا طيـب العشـرة كرمت ودمت

هذا حقك علي وحق شرهاتي على أوهامي

مصير الوقت يشرح لك دروسه وإن غفلت ونمت

يصحيك الزمان اللي يصحي كل من نامي

تذكرني لامنها خابت أوهامـك فمـن وهمـت

وشفت الفرق في حب الخشوم وحب الأقدامي

وشفت الفرق في حب الخشوم وحب الأقدامي