كلمات اغنية غرامك راشد الجزوى 2023

على طاري غرامك ياحبيبي هاك ما ينقال

على البحر الطويل يسوقها موجي ومجدافي

حبيبي لا تضايق من عتبنا لك على الجوال

هذا حبك وهذا منزلك في قلبي الوافي

يعيش الحب بين اللي محبتهم وفا واوصال

ويموت الحب من فرقا القلوب ومن جفا الجافي

امانه يا حبيبي كل ما تشعر بضيقه بال

تعال اضم حزنك في زوايا صدري الدافي

انا ما في نظامي حب يومين وجفا واهمال

وجاك أمن المعزه والمحبه والغلا الكافي

صحيح ان الغياب اللي حصل بيني وبينك طال

لكن ماهوب انا اللي فوق حبه يسفي السافي

لحقني من غلاك ومن جفاك اللي يرق الحال

مثل ماكني اشوف الحزن في طرفك الغافي

يروح اللي يروح من العمر واللي بقا لازال

ويبين اللي يبين من الغلا والخافي الخافي

هذا نبض الشعور اللي كتبته لك على استعجال

فديت اسمك ولبا معدنك يالمعدن الصافي