كلمات اغنية قصر زعبيل راشد الجزوى 2022

ساجنن في خاطري مطلع قصيده

حكمه .. مطول ولا يقبل كفاله

والله اللي جاب عذر يفك قيده

لازمن الافراج قبله ماطراله

راكب .. اللي لاكويته زاد جيده

ولابرى له فـ الطريق الا ظلاله

ماعليه .. الا ملاحظتن وحيده

يعرفها اللي شراه من الوكاله

لاشراه اللي مايكنز في رصيده

قاصده حتى الصغيّر من عياله

يشطف الرادار جعله مايصيده

ويش عذره خط بطحا واستوا له ؟

صوب دار مداحم الروس العنيده

وفي قصر زعبيل يلقى طيب فاله

الشعر مثل الكتابه فـالجريده

يجذبك لـ النص عنوان الرساله:)

وان بغيتوا ندخل الموضوع سيده

والله ان حمدان ابن راشد لـ حاله

يربط الحاضر بـ الامجاد التليده

اسمه اللي تحتويه اطيب سلاله

فزعة اللي كن تحت كبده وقيده

ويتبنى .. حلم .. عمره بـ الوكاله

شيخ ورياضي وموهوب ووليده

وشاعرن مبدع لكن ماشاف حاله

يفهم البيت القوي ويقول عيده

الله .. اللي .. ملهمه جل جلاله

ماخذن من خال ابوه ومدة ايده

ميزة تفرق به الى جا مجاله:)

البشر من طول عمره مستفيده

مسرفن كنه مايعطي من حلاله

يوم غيره يسلب الشاعر جديده

يحسبن صح الله لسانك جماله

يعتبر .. قصيدتي فرصه سعيده

واصدق من افكاره اللي في خياله